مەملەكەت باسشىسى نۇرسۇلتان نازارباەۆ قازاق ءتىلى ءالىپبيىن كيريلليتسادان لاتىن گرافيكاسىنا كوشىرۋ تۋرالى جارلىققا قول قويدى.
تاريحي تاڭداۋ جاسالعان قۇجاتتا لاتىن گرافيكاسىنا نەگىزدەلگەن قازاق ءتىلى ءالىپبيى قوسا بەرىلدى. ەل مەن ۇلتتىڭ, بولاشاق ۇرپاقتىڭ تاعدىرىنا قاتىستى قابىلدانىپ وتىرعان بۇل شەشىمدى جۇزەگە اسىرۋ ءۇشىن مەملەكەت باسشىسى ۇكىمەتكە بىرقاتار تاپسىرما بەردى. اتاپ ايتقاندا, قازاق ءتىلى ءالىپبيىن لاتىن گرافيكاسىنا كوشىرۋ جونىندەگى ۇلتتىق كوميسيا قۇرۋ, لاتىن گرافيكاسىنا 2025 جىلعا دەيىن كەزەڭ-كەزەڭمەن كوشۋدى قامتاماسىز ەتۋ, وسى جارلىقتى ىسكە اسىرۋعا بايلانىستى باسقا دا ۇيىمداستىرۋشىلىق جانە زاڭنامالىق سيپاتتاعى شارالاردى قابىلداۋدى تاپسىردى.
پرەزيدەنت جارلىعى ۇلت ءۇشىن جاۋاپتى سىننىڭ باستالعانىن ايعاقتايدى. ويتكەنى ءالىپبي اۋىستىرۋ, بۇل – ۇلكەن تاريحي تاڭداۋ. جاڭا داۋىرگە جاڭا ۇرپاق جاڭا الىپبيمەن قادام باسادى.
