تاسقىن سۋدى تويتارۋعا دايىن

استانادا سۋ تاسقىنىنا قارسى قالالىق جۇمىس توبى قۇرىلدى جانە كەشەندى شارالار جوسپارى ىسكە قوسىلدى, دەپ حابارلادى astana.gov.kz سايتى.

بۇگىنگى تاڭدا استانالىق گيد­روتوراپتار اعىمداعى ماۋسىمدا تاسقىن سۋىن وتكىزۋگە دايىن. جوسپارعا سايكەس, قالا اۋماعىندا سۋ باسۋى مۇمكىن 37 ۋچاسكە انىقتالدى. قازىرگى ۋاقىتتا اتالعان ۋچاسكەلەرگە ماماندار بارىپ, سۋ تاسقىنىنا قارسى شارالار ازىرلەدى. سونىمەن بىرگە, ەلوردا اكىمدىگى كەشەندى جوسپاردى ورىنداۋعا باعىتتالعان بىرنەشە نەگىزگى شارانى بەلگىلەپ قويدى.
ءبىرىنشى كەزەكتەگى شارا – ەسىل وزەنىنىڭ جوعارعى اعىسى تەكسەرىلدى, ناتيجەسىندە قار قو­رىنىڭ شامادان 20-30 پايىزعا كوپ ەكەنى انىقتالدى, قالىپتى نورما 50 مم بولۋى ءتيىس. ما­مانداردىڭ حابارلاۋىنشا, ەسىل وزەنىندە كوكتەمگى سۋ ءجۇرۋ استانا سۋ قويماسىنا كەلۋمەن 200-280 ملن تەكشە مەتر كولەمىندە بولجانىپ وتىر. قازىرگى ۋا­قىتتا استانا گيدروتورابى اعىم­­داعى ماۋسىمدا قار سۋىن وتكى­زۋگە تولىقتاي دايىن.
استانا سۋ قويماسىنىڭ جو­بالىق قۋاتى 410 ملن تەكشە مەتر بولا تۇرا, بۇگىنگى كۇنى ون­داعى جينالعان سۋ 285,9 ملن تەكشە مەتردى نەمەسە 69,9 پا­­­يىز­دى قۇرايدى. استانا سۋ قوي­­­ماسىندا سۋ اعىنىن قا­بىل­داۋ جانە قاۋىپسىز وتكىزۋ ماق­ساتىندا قوسىمشا سىيىم­دى­لىقتى دايىنداۋ ءۇشىن «كاز­­ۆودحوز» رمك-ىمەن ءبىر­لەسىپ كۇشەيتىلگەن شارالار قابىلدانىپ جاتىر.
سونىمەن بىرگە, «استانا قا­لاسىن ەسىل وزەنىنىڭ كوك­تەمگى قار سۋىنان قورعاۋ» نىسانىندا بوگەتتى كۇشەيتۋ جۇمىس­تارى جۇرگىزىلىپ, كەشەن قار سۋىن وتكىزۋگە تولىقتاي دايىن.
مايبالىق كولىنىڭ اۋماعى دا ماڭىزدى بولىك سانالادى. قازىرگى ۋاقىتتا كول سۋىنىڭ دەڭگەيى بىلتىرعى جىلمەن سالىستىرعاندا جارتى مەترگە تومەن جانە ونداعى سۋ ءمول­شەرى 65 ملن تەكشە مەتردى قۇ­رايدى. بۇگىنگى كۇنى كانالدى تازارتۋ جانە جاعاسىن بەكىتۋ ەلوردا اۋەجايىنىڭ ۇشۋ-قونۋ جولاعىن سۋ باسۋدىڭ الدىن الۋ ماقساتىندا بوگەت تۇرعىزۋ جۇمىستارى جۇرگىزىلۋدە.
سونىمەن بىرگە, ەسىل وزەنىنىڭ ارناسىن كەڭەيتۋ جۇمىستارى جاسالىنىپ جاتىر, بۇل شارالار گازماشاپپاراتۋرا اۋدانىندا اياق­تالدى. بۇعان قوسا, وزەندى تەرەڭ­دەتۋ جانە ارناسىن كەڭەيتۋ جۇمىستارى دا قولعا الىنعان.
قالا باسشىلىعى كىشى تال­دىكول كولىنىڭ اۋماعىنا دا ەرەكشە كوڭىل ءبولىپ وتىر, ول بويىنشا ارنايى شارالار جوس­پارلانىپ, جاۋاپتى مەم­لەكەتتىك ورگاندار مەن قۇرىلىس كومپانيالارى بەلگىلەندى.
13 ناۋرىزداعى جاعداي بويىنشا, قىس كەزىندە قالا اۋماعىنان شىعارىلعان قار مولشەرى 4,9 ملن تەكشە مەتردى قۇراعان, بۇل بىلتىرعى كولەمنەن 2 ەسە كوپ. قار جيناۋ جۇمىستارى 20 ناۋرىزعا دەيىن اياقتالادى دەپ جوسپارلانىپ وتىر. سون­داي-اق, ۇستىمىزدەگى جىلى سۋ تاسقىندارىنا قارسى شارالارعا 1,4 ملرد تەڭگە قاراستىرىلعان.