قر تۇڭعىش پرەزيدەنتى-ەلباسى كىتاپحاناسىندا باق قىزمەتكەرلەرى اراسىندا ۇيىمداستىرىلعان «قازاقستان تاۋەلسىزدىگى جانە ەلباسى» حالىقارالىق كونكۋرسىنىڭ جەڭىمپازدارى انىقتالدى. جۇلدەگەرلەر قاتارىندا «استانا اقشامى» گازەتى باس رەداكتورىنىڭ ورىنباسارى, ارىپتەسىمىز عالىم قوجابەكوۆ «گازەتتەر مەن جۋرنالدارداعى ۇزدىك ماقالا» نوميناتسياسى بويىنشا جۇلدەلى بولدى.
قر تاۋەلسىزدىگىمىزدىڭ 30 جىلدىق مەرەيتويى قارساڭىندا وتكەن بۇل شارانى قازاقستان رەسپۋبليكاسىنىڭ تۇڭعىش پرەزيدەنتى-ەلباسى كىتاپحاناسى مەن نۇرسۇلتان نازارباەۆ قورى ۇيىمداستىردى. ەلىمىزدىڭ تاۋەلسىزدىك جىلدارىنداعى جەتىستىكتەرىن كورسەتۋ, قازاقستان مەملەكەتتىلىگىنىڭ نەگىزى رەتىندە «نازارباەۆ مودەلىن», ەلباسىنىڭ يدەيالارى مەن باستامالارىن كەڭىنەن تاراتۋ ماقساتىندا وتكىزىلىپ وتىرعان كونكۋرسقا قازاقستاننىڭ تۇكپىر-تۇكپىرىنەن, سونداي-اق تۇركيا, ۇلىبريتانيا, رەسەي, يزرايل, يران, كانادا, ازەربايجان, تاجىكستان جانە ۋكراينا ەلدەرىنىڭ جۋرناليستەرىنەن 400-دەن استام جۇمىس كەلىپ تۇسكەن.
– بۇل شارا جىل سايىن تاۋەلسىزدىك كۇنى قارساڭىندا وتكىزىلىپ, جاقسى داستۇرگە اينالدى. بيىل كونكۋرسىمىز 6-شى رەت وتۋدە جانە تاۋەلسىزدىگىمىزدىڭ 30 جىلدىق مەرەيتويىنا تۇسپا-تۇس كەلىپ وتىر. بۇل ءراسىمنىڭ تۇڭعىش پرەزيدەنت كۇنى مەن تاۋەلسىزدىك كۇنى اراسىندا ءوتۋىنىڭ تەرەڭ سيمۆولدىق ءمانى بار. ويتكەنى تاۋەلسىزدىك جانە ەلباسى ن.نازارباەۆ ۇعىمدارى ءبىر-بىرىمەن تىعىز بايلانىستى, – دەدى قر تۇڭعىش پرەزيدەنتى-ەلباسى كىتاپحاناسى» مم ديرەكتورى باقىتجان تىلەۋبولات سالتاناتتى راسىمدە.
بايقاۋدىڭ جەڭىمپازدارى 5 نوميناتسيا بويىنشا ماراپاتتالدى.
«شەتەلدىك باق-تاعى ۇزدىك جاريالانىم» نوميناتسياسى بويىنشا 1-ورىن – مۋحاممەد رۋزۋبايگە («Business Türk» جۋرنالى, تۇركيا) بۇيىرسا, 2, 3-ورىن – نيك فيلدينگ («East-West Review» جۋرنالى, ۇلىبريتانيا) پەن اندرەي ۆىپولزوۆقا (رەسەي-قازاقستان ءباسپاسوز ورتالىعى, «ارگۋمەنتى ي فاكتى» گازەتى, رەسەي) بۇيىردى.
«گازەتتەر مەن جۋرنالدارداعى ۇزدىك ماقالا» نوميناتسياسى بويىنشا اباي وتار («Egemen Qazaqstan» گازەتى, نۇر-سۇلتان ق.) 1-ورىن الدى. 2-ورىندى – يگور پروحوروۆ («كازاحستانسكايا پراۆدا» گازەتى, نۇر-سۇلتان ق.), 3-ورىندى – عالىم قوجابەكوۆ («Astana aqshamy» گازەتى, نۇر-سۇلتان ق.) جەڭىپ الدى.
«ۇزدىك تەلەۆيزيالىق ماتەريال» نوميناتسياسى بويىنشا 1-ورىن – ءىنجۋ قابىلديناعا («حابار» تەلەارناسى, نۇر-سۇلتان ق.) بەرىلسە, 2-ورىن – يرينا ياكۋنيناعا («Astana tv» تەلەارناسى, وسكەمەن ق.), 3-ورىن – ۆيتالي نەسىپباەۆقا («Qazaqstan SARYARQA» تەلەارناسى, قاراعاندى ق.) بۇيىردى.
«ۇزدىك راديوماتەريال» نوميناتسياسى بويىنشا 1-ورىندى – سالتانات سادىبەكوۆا (قازاق راديوسى, نۇر-سۇلتان ق.), 2-ورىندى – الميرا ەلىمسارينا (قازاق راديوسى, نۇر-سۇلتان ق.), 3-ورىندى – ەۆگەنيا گريشانينا (N-S راديوسى, الماتى ق.) يەلەندى.
«عالامتور باق-تاعى ۇزدىك جاريالانىم» نوميناتسياسى بويىنشا 1-ورىندى – اسەل الىشەۆا («دەلوۆوي كازاحستان» اسپ, الماتى ق.), 2-ورىندى – تاتيانا كازانتسەۆا («ليتەر» گازەتى, نۇر-سۇلتان ق.), 3-ورىندى – اتساليم يديگوۆ («وگني الاتاۋ» گازەتى, تالدىقورعان ق.) يەمدەندى.
– 2016 جىلدان باستاپ وتكىزىپ كەلە جاتقان بۇل بايقاۋدىڭ جىل سايىن ساپاسى دا ارتىپ كەلەدى. 2019 جىلدان باستاپ حالقارالىق دەڭگەيگە كوتەرىلگەن بايقاۋعا تەك قازاقستاننان ەمەس, الەم جۋرناليستەرى دە قاتىسا الادى. بۇل قازاقستاندى الەمگە تانىتۋدىڭ ءبىر جولى دەپ بىلەمىز. جۋرناليستيكادا, ەكونوميكادا جانە بارلىق سالادا شەكارا جوق زاماندا مۇنداي كونكۋرستاردىڭ پايداسى زور دەپ ويلايمىن. ول تىلشىلەر مەن كونتەنتتىڭ ساپاسىن كوتەرۋدە دە ۇلكەن ءرول اتقاردى, – دەدى پارلامەنت ءماجىلىسىنىڭ دەپۋتاتى دارحان مىڭباي.
