مادەنيەت جانە سپورت مينيسترلىگى نۇر-سۇلتان قالاسى اكىمدىگىنىڭ قولداۋىمەن جانە «استانا بالەت» تەاترىمەن بىرلەسىپ, جامبىل اتىنداعى قازاق مەملەكەتتىك فيلارمونياسىنىڭ جوباسى – قازاقستان رەسپۋبليكاسى تاۋەلسىزدىگىنىڭ 30 جىلدىعىنا «ارناۋ» اتتى سيمفونيالىق مۋزىكا كەشىن ۇسىنادى.
11 جەلتوقسان كۇنى نۇر- سۇلتان قالاسىندا, «استانا بالەت» تەاترىنىڭ ساحناسىندا ليدس قالاسىنداعى (ۇلىبريتانيا) بەدەلدى حح حالىقارالىق پيانيستەر بايقاۋىنىڭ لاۋرەاتى, فەنومەنالدى قازاقستاندىق پيانيست ءالىم بەيسەمباەۆتىڭ قاتىسۋىمەن قازاقستان رەسپۋبليكاسى مەملەكەتتىك اكادەميالىق سيمفونيالىق وركەسترىنىڭ كونتسەرتى وتەدى. سوڭعى جىلدارى قازاقستاندىقتاردىڭ ونەر سالاسىنداعى الەمدىك دەڭگەيدەگى جەتىستىكتەرى كۇللى عالامدى تاڭعالدىرۋدا. ءالىم بەيسەمباەۆتىڭ جەڭىسى بۇكىلالەمدىك كلاسسيكالىق مۋزىكا قاۋىمى ءۇشىن تىڭ سەرپىن بولعانى ءسوزسىز. جاس پيانيست كلاسسيكالىق مۋزىكادا ورىنداۋشىلىق بيىكتەرگە جەتىپ, ەڭ بەدەلدى حالىقارالىق بايقاۋدىڭ جەڭىمپازى اتانعان. ەلوردادا وتەتىن بۇل كونتسەرت ەلىمىزدىڭ مۋزىكالىق ومىرىندەگى تاماشا وقيعا, ويتكەنى ءالىمنىڭ ءىس-شارالار كەستەسى ءار مينۋتىنا دەيىن ناقتى بەلگىلەنگەن.
