م.اۋەزوۆ اتىنداعى ورتالىق قالالىق كىتاپحانادا بەلگىلى تەاتر رەجيسسەرى, نۇر-سۇلتان قالاسى اكىمدىگىنىڭ مۋزىكالىق جاس كورەرمەن تەاترىنىڭ باس ديرەكتورى-كوركەمدىك جەتەكشىسى, قازاقستاننىڭ ەڭبەك سىڭىرگەن قايراتكەرى اسحات ماەميروۆپەن كەزدەسۋ ءوتتى.
شىعارماشىلىق جۇزدەسۋدە اسحات ماكسيمۇلى مەكتەپ وقۋشىسى, بوزبالا شاقتاعى كەزىنەن باستاپ, بۇگىنگى كەمەلىنە جەتكەن ۋاقىت ارالىعىندا بولىپ وتكەن قىزىقتى وقيعالارىن اڭگىمەلەدى. وقىرماندار مەن كىتاپحاناشىلار كوكەيلەرىندە جۇرگەن سۇراقتارىن قويىپ, تۇشىمدى جاۋاپتار الدى.
كىتاپحانا قوناعى تەاتردىڭ جۇمىسى, اتقارىپ جۇرگەن قىزمەتى تۋرالى تانىمدىق اڭگىمە ايتتى. ءوزى تاربيەلەگەن شاكىرتتەرى ونەرلەرىن ورتاعا سالدى. نۇرجاس سادىرباەۆ, ماقسات قابدەش, اققانات قۋاندىقوۆ, ەرنازار جاڭاتىلەك بىرنەشە تىلدە ءان سالىپ, حالىق اۋىز ادەبيەتى ۇلگىلەرىنەن الىنعان ولەڭدەر وقىپ, مونولوگتاردان ۇزىندىلەر ورىندادى.
ەرتەڭ نۇر-سۇلتان قالاسى ورتالىقتاندىرىلعان كىتاپحانالار جۇيەسى «نەۆادا-سەمەي» اتتى كىتاپ كورمەسىن وتكىزەدى.
بايان اسىلبەكوۆا
