قاليبەك قۋانىشباەۆ اتىنداعى مەملەكەتتىك اكادەميالىق قازاق مۋزىكالىق دراما تەاترىنىڭ 32 جىلدىعىنا وراي تەاتر نەگىزىن قالاۋشى اكتەر, قازاقستاننىڭ ەڭبەك سىڭىرگەن ءارتىسى, ەڭبەك ارداگەرى ءشامىل ءجۇنىسوۆ ەسكە الۋ ماقساتىندا ساحنا شەبەرىنىڭ ون جىل بويى تۇرعان ج.جيرەنتاەۆ كوشەسىندەگى ۇيگە ەسكەرتكىش-تاقتا ورناتىلدى.
شىعارماشىلىق عۇمىرىن ۇلتتىق تەاتر ساحناسىندا وتكەرگەن ونەر مايتالمانى 200-گە تارتا رولدەردە وينادى. ءشامىل ءجۇنىسوۆ دۇنيەگە اكەلگەن رولدەر – ءبىرىن-ءبىرى قايتالامايتىن, ءبىر-بىرىنە استە ۇقسامايتىن كەيىپكەرلەر بەينەسىنىڭ لەگى.
جيىندى قوعام جانە مەملەكەت قايراتكەرى, قازاقستاننىڭ ەڭبەك سىڭىرگەن قايراتكەرى سۆەتلانا جالماعامبەتوۆا اشىپ, ءشامىل سىزدىقۇلىنىڭ مۇراسى جايىندا ءسوز سويلەدى.
جيىن بارىسىندا ەلوردامىزداعى قاليبەك قۋانىشباەۆ اتىنداعى مەملەكەتتىك اكادەميالىق قازاق مۋزىكالىق دراما تەاترىنىڭ نەگىزىن قالاۋشىلارى رىمكەش ومارحانوۆا, بولات ىبىراەۆ, مۇرات ماقسۇتوۆ ءسوز سويلەپ, ارىپتەستەرى ءشامىل ءجۇنىسوۆتى ەسكە الدى.
سالتاناتتى جيىندا ق.قۋانىشباەۆ اتىنداعى مەملەكەتتىك اكادەميالىق قازا مۋزىكالىق دراما تەاترىنىڭ ديرەكتورى ايبولات جانعاليۇلى وسى شارانى ۇيىمداستىرۋعا قولداۋ بىلدىرگەن ساحنا ساڭلاعىنىڭ جارى عاليا داۆىدقىزىنا, تەاتر قىزمەتكەرلەرىنە, استانا قالاسى مادەنيت باسقارماسىنا, قر مادەنيەت جانە اقپارات مينيسترلىگىنە ريزاشىلىعىن بىلدىرە كەلىپ, «بۇگىن ەرەكشە تاريحي كۇن. وتكەندى سارالاپ, بولاشاققا باعدار جاسايتىن, ءبىر-ءبىرىمىزدى باعالايتىن كۇن دەپ بىلەمىن. ءشامىل ءجۇنىسوۆ اعامىزعا ارناپ ەسكەرتكىش-تاقتا ورناتىلدى. وسى شارانىڭ باستى قولداۋشىسى عاليا داۆىدقىزىنا العىسىمدى بىلدىرەمىن» دەدى.
