تەرروريزمنەن قورعانۋ ماسەلەسى قارالدى
![](https://astana-akshamy.kz/wp-content/uploads/2023/07/3b6977cbad93e1aa030d962f58302815_original.219557-780x470.jpg)
ەلوردا اكىمدىگىندە قالا باسشىسى جەڭىس قاسىمبەكتىڭ توراعالىق ەتۋىمەن استانا قالاسىنىڭ تەرروريزمگە قارسى كوميسسياسىنىڭ وتىرىسى ءوتتى. وتىرىستا ءدىني ەكسترەميزم مەن تەرروريزمگە قارسى ءىس-قيمىل بويىنشا الدىن الۋ شارالارى تالقىلاندى. بۇل تۋرالى اكىمدىكتىڭ رەسمي سايتى اقپارات تاراتتى.
باسقوسۋدا كوميسسيا مۇشەلەرى – جاستار ساياساتى ماسەلەلەرى, ءبىلىم بەرۋ, ءدىن ىستەرى باسقارماسىنىڭ جەتەكشىلەرى, الماتى, بايقوڭىر, ەسىل, سارىارقا اۋداندارىنىڭ اكىمدەرى, سونداي-اق قالالىق پوليتسيا دەپارتامەنتىنىڭ ەكسترەميزمگە قارسى ءىس-قيمىل باسقارماسىنىڭ باسشىسى ءسوز سويلەدى. كۇن تارتىبىنە سايكەس جاستار اراسىندا دەسترۋكتيۆتى ءدىني اعىمدار يدەولوگياسىنىڭ تارالۋىنىڭ الدىن الۋ جانە وعان جول بەرمەۋ, 2021-2025 جىلدارعا ارنالعان ۇلتتىق قاۋىپسىزدىك ستراتەگياسىنىڭ 2023 جىلعا بەلگىلەنگەن كورسەتكىشتەرىنە قول جەتكىزۋ ماسەلەلەرى تالقىلاندى.
سونداي-اق كوميسسيا مۇشەلەرى تەرروريستىك تۇرعىدان وسال نىسانداردىڭ تەرروريزمنەن قورعانۋ دەڭگەيىن ارتتىرۋ باعىتىنداعى ءىس-شارالاردى تالقىلادى. وتىرىس سوڭىندا ەلوردادا ءدىني ەكسترەميزم مەن تەرروريزمنىڭ الدىن الۋعا باعىتتالعان جۇمىستاردى جالعاستىرۋعا ايرىقشا نازار اۋدارىلدى.