ءتىل ساياساتى كوميتەتىنىڭ ۇيىمداستىرۋىمەن ءۇش ءتىلدى جەتىك مەڭگەرگەن مەملەكەتتىك قىزمەتشىلەر اراسىنداعى «ءتىل شەبەرى-2021» رەسپۋبليكالىق بايقاۋى ءوتتى. بايقاۋعا ورتالىق اتقارۋشى ورگانداردان مەملەكەتتىك قىزمەتشىلەر قاتىسىپ, ءوزارا سايىسقا ءتۇستى.
بايقاۋدىڭ ماقساتى – مەملەكەتتىك ءتىلدىڭ قولدانىس اياسى مەن مارتەبەسىن كەڭەيتۋ, ءۇش ءتىلدى جەتىك مەڭگەرگەن مەملەكەتتىك قىزمەتشىلەردى انىقتاۋ جانە قولداۋ, ءتىل مادەنيەتىن كوتەرۋ, ۇشتىلدىلىكتى ناسيحاتتاۋ. ءدۇبىرلى دوداعا قىزىعۋشىلىق تانىتۋشىلار قاراسى قالىڭ بولدى. دەگەنمەن جۇزدەن جۇيرىك شىققاندار وزا شاۋىپ, بايگە الدى. باس جۇلدەنى قازاقستان رەسپۋبليكاسى باس پروكۋراتۋراسى قوعامدىق مۇددەلەردى قورعاۋ قىزمەتىندەگى باس پروكۋروردىڭ اعا كومەكشىسى دارحان ايتماعانبەتوۆ يەلەنسە, ءى ورىندى سىرتقى ىستەر مينيسترلىگى حالىقارالىق اقپارات كوميتەتىنەن باسقارما باسشىسى اسقار ەرمۇحان, ءىى ورىندى ادىلەت مينيسترلىگى ەكونوميكا, قارجى جانە ساۋدا سالاسىنداعى جوبالاردى ساراپتاۋ باسقارماسىنىڭ باس ساراپشىسى الماس ءادىلحانوۆ پەن يندۋستريا جانە ينفراقۇرىلىمدىق دامۋ مينيسترلىگى مەملەكەتتىك قورعانىستىق تاپسىرىس باسقارماسىنىڭ باس ساراپشىسى ەلامان ءۋالي, ءىىى ورىندى مەملەكەتتىك كۇزەت قىزمەتى قىزمەتكەرى قۇمار سادىقوۆ ەنشىلەدى.
ال جۇلدە الماعان باسقا قاتىسۋشىلار قازاقستان رەسپۋبليكاسى ءبىلىم جانە عىلىم مينيسترلىگى ءتىل ساياساتى كوميتەتىنىڭ توراعاسىنىڭ العىس حاتىمەن ماراپاتتالدى.
