كەشە ەلوردادا قازاقستان حالقى تىلدەرى مەرەكەسى «ءتىلىم – تىرەگىم» اتاۋىمەن «الاش قايراتكەرلەرى» ەسكەرتكىشىنە گۇل شوقتارىن قويۋ راسىمىمەن باستالدى.
نۇر-سۇلتان قالاسىنىڭ تىلدەردى دامىتۋ جانە ارحيۆ ءىسى باسقارماسى تىلدەر مەرەكەسىن قىركۇيەك ايى بويى وتكىزەدى. سونىڭ اياسىندا وننان اسا شارا وتكىزۋ جوسپارلانعان.
تىلدەر مەرەكەسى اياسىندا ەلوردانىڭ مەكەمەلەرى مەن ۇيىمدارىندا ءتۇرلى بايقاۋلار ۇيىمداستىرىلادى. سونىمەن قاتار ءار ۇلتتاردىڭ ەتنو-مادەني ورتالىقتارى تاعىلىمدى كەزدەسۋلەر ۇيىمداستىرادى.
5 قىركۇيەك – ۇلت ۇستازى احمەت بايتۇرسىنۇلىنىڭ تۋعان كۇنى. وسىنى ەسكەرگەن ەل ۇكىمەتى 2017 جىلى وسى كۇندى قازاقستان حالقى تىلدەرى كۇنى ەتىپ بەكىتتى. بيىل قازاق ءتىل ءبىلىمى اتاسىنىڭ 150 جىلدىعى ەلدىك قانا ەمەس, حالىقارالىق دەڭگەيدە اتالىپ كەلە جاتقانىنا بايلانىستى بۇل مەرەكەنىڭ ءمانى ارتىپ وتىر. كەشە ەلوردادا قازاقستان حالقى تىلدەرى مەرەكەسى «ءتىلىم – تىرەگىم» اتاۋىمەن «الاش قايراتكەرلەرى» ەسكەرتكىشىنە گۇل شوقتارىن قويۋ راسىمىمەن باستالدى.
نۇر-سۇلتان قالاسىنىڭ تىلدەردى دامىتۋ جانە ارحيۆ ءىسى باسقارماسى تىلدەر مەرەكەسىن قىركۇيەك ايى بويى وتكىزەدى. سونىڭ اياسىندا وننان اسا شارا وتكىزۋ جوسپارلانعان. اتاپ ايتقاندا, رەسپۋبليكالىق موبيلوگرافتار بايقاۋى, ۇلتتىق ويىندار جارىسى, قوعامدىق كولىكتەردەگى قازاق اندەرىنىڭ شەرۋى, تابىستى كاسىپكەرلەردىڭ قاتىسۋىمەن دوڭگەلەك ۇستەل ءماجىلىسى, دومبىرا party, قازاقشا كاراوكە كەشى, قازاق تىلىندە ەركىن سويلەيتىن وزگە ۇلت وكىلدەرىنىڭ جاستارىمەن موتيۆاتسيالىق كەزدەسۋ, تەلەۆيزيالىق توك-شوۋ, 9-11 سىنىپ وقۋشىلارى اراسىنداعى قالالىق كوركەمسوز وقۋ بايقاۋى, 3 كۇن بويى بالاباقشا تاربيەلەنۋشىلەرىن قوسا العاندا بۇلدىرشىندەردى تەاترعا اكەلىپ, قازاق ەرتەگىلەرىنىڭ كەيىپكەرلەرى قاتىساتىن قويىلىم, قازاقشا كۋيز ينتەللەكتۋالدى ويىنى, قازاقشا كىتاپتاردىڭ ءۇش كۇندىك كورمەسى وتەدى. بۇعان قوسا, اسا كورنەكتى جازۋشى, دراماتۋرگ, فرانتس كافكا اتىنداعى التىن مەدال مەن مەملەكەتتىك سىيلىق يەگەرى, قازاقستاننىڭ ەڭبەك سىڭىرگەن قايراتكەرى تولەن ابدىكتىڭ 80 جاس مەرەيتويىنا ارنالعان شىعارماشىلىق كەش وتكىزۋ جوسپارلانعان. 13-17 قىركۇيەك ارالىعىندا «احاڭ ءجۇرىپ وتكەن جولمەن…» اتتى عىلىمي-تانىمدىق ەكسپەديتسيا وتپەك. تىلدەر مەرەكەسى قالا اكىمدىگىنە قاراستى بارلىق مەكەمەلەردە ۇيىمداستىرىلادى. قورىتىندى كەشتە جەڭىمپازدار ماراپاتتالادى.
