نۇر-سۇلتان قالاسىندا تۋبەركۋلەزدى ەرتە انىقتاۋ ماقساتىندا «تۋبەركۋلەزدى توقتات!» اتتى كەڭ كولەمدى قالالىق اكتسيا وتەدى. ءىس-شارا 13 قازان مەن 13 قاراشا ارالىعىندا جۇرگىزىلەدى.
قالا تۇرعىندارىنا تەگىن فليۋوروگرافيالىق تەكسەرۋ مىنا اۋماقتاردا جۇرگىزىلەدى: تەلمان, كۇيگەنجار, ميچۋرين, زارەچنىي, پريگورودنىي, جەلەزنودوروجنىي, ءوندىرىس, كوكتال جانە باسقا تۇرعىن ءۇي ماسسيۆتەرى, قالانىڭ ساۋدا ورتالىقتارى مەن بازارلارى, ساۋدا ۇيلەرى, ۇلجان, بيگشانحاي, ورتالىق, قامقور بازارلارى, ەۋرازيا, ارۋجان, حان شاتىر جانە ت.ب. ساۋدا ويىن-ساۋىق ورتالىقتارى.
اكتسيا بارىسىندا فليۋوروگرافيالىق تەكسەرۋمەن قاتار تۋبەركۋلەزدىڭ الدىن الۋ ماسەلەلەرى بويىنشا كەڭەس الۋعا بولادى. قالا تۇرعىندارىنىڭ اكتسيا قىزمەتىنە قولجەتىمدىلىگىن ارتتىرۋ ءۇشىن دەمالىس كۇندەرى دە تەكسەرىس جۇرگىزىلەدى. نۇر-سۇلتان قالاسى پوليتسيا دەپارتامەنتىنىڭ قولداۋىمەن تۇراقتى تۇراتىن جەرى جوق ادامدارعا فليۋوروگرافيالىق تەكسەرۋ جۇرگىزۋ جوسپارلانۋدا. ماماندار كونسۋلتاتسيالىق, ونىڭ ىشىندە تۋبەركۋلەز بويىنشا قاۋپى بار ادامدار توبى ءۇشىن قاشىقتان كومەك كورسەتەدى. جىلجىمالى فليۋوروگرافتار كەستەسى قوسىمشا حابارلانىپ, ولار قالا اۋداندارى اراسىندا جىلجي قىزمەت ەتەدى.
