تۋبەركۋلەزگە قارسى جاڭا ديسپانسەر
ەلوردا اكىمى اسەت يسەكەشەۆ استانادا اشىلعان ەلىمىزدەگى ەڭ ءىرى تۋبەركۋلەزگە قارسى جاڭا ديسپانسەر عيماراتىمەن تانىستى, دەپ حابارلايدى astana.gov.kz.
ءىرى مەديتسينالىق مەكەمە جەلەزنودوروجنىي كەنتىندە قىرقىنشى ستانساعا جاقىن ورنالاسقان جانە 9 بلوكتان تۇرادى. قۇرىلىسى 2008 جىلى باستالعان نىسان بيىل تاپسىرىلىپ وتىر.
«زاماناۋي كەشەنگە يە بولۋ ءبىزدىڭ ارمانىمىز بولاتىن. ءتۇرلى كورپۋستاردا 4-تەن 6-قاباتقا دەيىن بار. بىراق ەڭ باستىسى – بۇل ءبىر جانە ەكى ورىندىق پالاتالار جانە ولار بارلىق سانيتارلىق نورمالارعا جاۋاپ بەرەدى» دەيدى «استانا قالاسى تۋبەركۋلەزگە قارسى ديسپانسەرى» مم باس دارىگەرى راۋزا ءجۇسىپوۆا.
جاڭا كەشەن ءتورت ەمدەۋ كورپۋسىنان تۇرادى: كلينيكالىق-دياگنوستيكالىق زەرتحانا, باكتەريولوگيالىق, تاماقتانۋ بلوگى, كىر جۋاتىن ورىن.
اۋرۋحانا زاماناۋي قۇرال-جابدىقتارمەن جاراقتالعان, سونىڭ ىشىندە: كومپيۋتەرلىك توموگرافيا, رەنتگەن, شەتەلدىك جانە جەرگىلىكتى دارىگەرلەرمەن كونسيليۋم قۇرۋعا, ونلاين ترانسلياتسيا جۇرگىزۋگە مۇمكىندىك بەرەتىن بەينەقوندىرعىسى بار كومپيۋتەرلىك وپەراتسيالىق ءبولمەسى بار.
سونداي-اق, تۋبەركۋلەز تاياقشالارىن تاراتۋشى جانە تاراتپايتىن باتسيليارلىق جانە باتسيليارلىق ەمەس ناۋقاستاردى وقشاۋلايتىن بولەك پالاتالار بار. كەشەن 500 ناۋقاستى قابىلداي الادى, ولارعا 1000 ۇزدىك مامان قىزمەت كورسەتەدى.