م.وتەمىسۇلى اتىنداعى وقۋشىلار سارايىندا «تۋعان ەلىڭ – قازاقستاندى جاقسى بىلەسىڭ بە؟» رەسپۋبليكالىق بالالار وقۋلارى بايقاۋى ءوتتى. شارا «رۋحاني جاڭعىرۋ» باعدارلاماسىن ۇلتتىق جاڭعىرۋ كەزەڭىنە كوشىرۋ بويىنشا «جول كارتاسىن» ىسكە اسىرۋ اياسىندا ۇيىمداستىرىلدى.
بايقاۋدىڭ ماقساتى – بالالاردىڭ كىتاپ وقۋعا دەگەن قۇشتارلىعىن قالىپتاستىرۋ, ەلىمىزدىڭ تاريحى, گەوگرافياسى, استرونومياسى جانە مادەني داستۇرلەرىمەن تاربيەلەۋ. سونىمەن قاتار ەلىنە دەگەن ماقتانىش سەزىمىن ارتتىرىپ, «رۋحاني جاڭعىرۋ» باعدارلاماسىنىڭ يدەيالارىن جاس ۇرپاق بويىنا ءسىڭىرۋ جانە رەسپۋبليكالىق كەزەڭدە نۇر-سۇلتان قالاسىنىڭ نامىسىن قورعايتىن ۇزدىكتەردى انىقتاۋ.
العاشقى ىرىكتەۋ كەزەڭگە ەلوردالىق 92 مەكتەپتەن 300 بالا قاتىستى. ەكىنشى كەزەڭگە وتكەن 60 وقۋشىدان ۇزدىك شىققان 5 جەڭىمپاز رەسپۋبليكالىق كەزەڭدە قالا نامىسىن قورعايدى. بالالاردى تۋعان جەرگە دەگەن ءسۇيىسپەنشىلىكپەن, وتانسۇيگىشتىكپەن جانە ەلىنە دەگەن ماقتانىش سەزىمىمەن تاربيەلەۋ – بۇگىنگى باستى ماسەلە.
