حالىق اراسىنداعى تۇماۋ اۋرۋى ەپيدەميالىق دەڭگەي شەگىنەن اسپايتىن ەپيدەمياارالىق مەرزىمدە سپوراديكالىق, ياعني بىرەن-ساران سيپاتتا بولادى. رەسپيراتورلىق جۇقپانىڭ 80 پايىزىن پاراگريپپ, ادەنوۆيرۋستار, سول سياقتى تۇماۋ جۇقپالارى قۇرايدى.
رەسپيراتورلىق جۇقپالاردىڭ ەتيولوگياسىندا اۋرۋشاڭدىق شەگىنەن بىرنەشە مارتە ارتقان كەزىندە ەل ەكونوميكاسىنا جانە ادام دەنساۋلىعىنا زيان كەلتىرەتىن تۇماۋ ۆيرۋسى باسىم بولىپ, اۋرۋشاڭدىقتىڭ ورشۋىنە اكەلەدى. تۇماۋ ۆيرۋسىنىڭ مۋتاتسياعا ءتۇسۋ مۇمكىندىگىن, ال ونىڭ پلانەتارلىق كولەمدەگى ەپيدەمياعا – بۇكىل جەر ءجۇزى ادامدارىنىڭ جاپپاي اۋرۋى قاۋپىنە اكەلەتىنىن عالىمدار دالەلدەگەن. قازىرگى تاڭدا پاندەميالىق تۇماۋ اۋرۋى الەمنىڭ تۇكپىر-تۇكپىرىندە ورىن العان.
استانا قالاسىنىڭ حالىقارالىق اۋەجايى ەلىمىزدىڭ استاناسىنا كىرەتىن قاقپا بولىپ تابىلادى. اپتا سايىن اۋماق بويىنشا حالىقارالىق رەيستەرمەن 7800-دەن ارتىق اۋەجولاۋشىلار, ولاردىڭ ىشىندە 2000-ى اسا قاۋىپتى جانە كارانتيندىك جۇقپا سياقتى اۋرۋشاڭدىقتار بويىنشا قولايسىز وڭتۇستىك-شىعىس ازيا ەلدەرىنەن كەلەدى.
پاندەميالىق تۇماۋدىڭ الدىن الۋ ءۇشىن دەنساۋلىق ساقتاۋ مينيسترلىگى مەملەكەتتىك سانيتاريالىق-ەپيدەميولوگيالىق قاداعالاۋ كوميتەتىنىڭ كولىكتەگى دەپارتامەنتى مىنالاردى ەسكەرتەدى: پاندەميالىق تۇماۋ ءتىركەلگەن جاقىن جانە الىس شەتەلدەرگە بارۋعا ءمۇمكىندىگىنشە شەكتەۋ قويىڭىز. ەگەر شەتەلگە بارا قالعان جاعدايدا جرۆي ۇقساس كلينيكالىق بەلگىلەرگە (دەنە قىزۋىنىڭ جوعارىلاۋى, تاماق اۋرۋى, جوتەل, مۇرىننىڭ بىتەلۋى) نازار اۋدارىڭىز. ءسىزدى دەنساۋلىعىڭىز مازالايتىن بولسا, ءدارىگەرمەن كەڭەسىڭىز. اۋرۋ ادامدارمەن جاقىن قارىم-قاتىناس جاساماڭىز. قولىڭىزدى سابىنمەن ءجيى جۋىپ وتىرىڭىز نەمەسە قۇرامىندا ءسپيرتى بار سۇيىقتىقپەن ءسۇرتىڭىز. بولمەنى جانە ۇيدەگى ورتاق پايدالاناتىن جايدى جاقسىلاپ جەلدەتىڭىز. كلينيكالىق بەلگىلەر پايدا بولعان جاعدايدا بىرجولعى بەتپەردەلەردى پايدالانىڭىز جانە ولاردى ەكىنشى رەت پايدالانباڭىز. تۋىستارمەن جانە دوستارمەن قارىم-قاتىناسقا مۇمكىندىگىنشە شەكتەۋ قويۋ قاجەت. شەتەلدەن كەلگەن سوڭ جەدەل مەديتسينالىق قىزمەت الۋ ءۇشىن دەنساۋلىق جاعدايىڭىزدى ناشارلاتاتىن بەلگىلەردىڭ بار-جوعىن قاداعالاڭىز.
داريا ازىمباەۆا,
قر دسم مسەقك كولىكتەگى دەپارتامەنتىنىڭ استانا قالاسى حالىقارالىق اۋەجايى سكپ باستىعى
