جەكە تۇرعىن ۇيلەردەگى, عيماراتتارداعى ورتتەر ادەتتە تەمەكى شەگۋ, سىرىڭكە, الاۋ, دانەكەرلەۋ شامدارىن قولدانۋ سەكىلدى وتپەن جۇمىس ىستەۋدەگى نەمقۇرايلىلىق جانە جىلىتۋ اسپاپتارى مەن ەلەكتر جابدىقتارىن پايدالانۋ كەزىندەگى اقاۋلار ناتيجەسىندە پايدا بولادى. كوپتەگەن جاعدايلاردا تۇرعىندار كۇندەلىكتى ومىردە ءورت قاۋىپسىزدىگىنىڭ قاراپايىم ەرەجەلەرىن ساقتامايدى, ءورت تۋىنداعان جاعدايدا قالاي دۇرىس ارەكەت ەتۋ كەرەكتىگىن بىلمەيدى.
جەكە تۇرعىن ءۇيدىڭ ءاربىر يەسى كۇندەلىكتى ومىردە ءورت قاۋىپسىزدىگى شارالارىن ءبىلۋى جانە قاتاڭ ساقتاۋى قاجەت. بۇل رەتتە الدىمەن, اۋماقتى كۇتىپ ۇستاۋ كەرەك. بىرىنشىدەن, باۋ-باقشا ۋچاسكەلەرىنىڭ اۋماعى جانعىش قالدىقتاردان, قوقىستاردان, ىدىستاردان, قۇرعاق شوپتەردەن, اعاش جاپىراقتارىنان جانە ت.ب. قاجەتسىز زاتتاردان ۋاقتىلى تازالانۋى كەرەك, ولاردى ارنايى بولىنگەن الاڭداردا كونتەينەرلەرگە نەمەسە جاشىكتەرگە جيناپ, سودان كەيىن اكەتۋ كەرەك. بۇل ساقتىق شاراسى جىل بويى ساقتالۋى كەرەك!
ءورت ءسوندىرۋ ءۇشىن پايدالانىلاتىن جولدار, وتپەلەر, كىرەبەرىستەر, ۇيلەر مەن سۋ كوزدەرىنە وتەتىن جولدار ارقاشان بوس بولۋى كەرەك. اشىق الاڭداردا جانە اۋلالاردا تەز تۇتاناتىن جانە جانعىش سۇيىقتىقتارى بار ىدىستاردى, سونداي-اق سىعىلعان جانە سۇيىتىلعان گازدارى بار باللونداردى قالدىرۋعا رۇقسات ەتىلمەيدى. اس ءۇي پليتالارىن جانە باسقا دا جىلىتقىشتاردى گازبەن جابدىقتاۋعا ارنالعان گاز باللوندى قوندىرعىلار ۇيگە كىرەبەرىستەن 5 مەتردەن جاقىن ورنالاسپاۋعا ءتيىس. قۇرىلىستارعا جاقىن جەردە وت جاعۋعا جانە سوندىرىلمەگەن كومىر مەن كۇلدى تاستاۋعا جول بەرىلمەيدى.
سونداي-اق ءاربىر تۇرعىن عيماراتتا سۋ بوشكەسى (جازعى كەزەڭدە), ورتكە قارسى قۇرال-جابدىقتار جانە شاتىرعا جەتەتىن باسپالداق بولۋى كەرەك. شاتىرلاردىڭ, تەحنيكالىق قاباتتاردىڭ جانە جەرتولەلەردىڭ تەرەزەلەرى اينەكتەلىپ, ەسىكتەرى جابىق كۇيدە ۇستالۋى كەرەك.
ەلەكتر جەلىلەرى مەن ەلەكتر اسپاپتارىن پايدالانۋ كەزىندە زاقىمدالعان وقشاۋلاعىشى بار ەلەكتر سىمدارى مەن سىمداردى پايدالانۋعا, ەلەكتر جەلىلەرىن قورعاۋ ءۇشىن قولدان جاسالعان ساقتاندىرعىشتاردى (سىمدى بۇراۋ, شەگەلەر جانە ت.ب.) قولدانۋعا, ەلەكتر ۇتىكتەرىن, ەلەكتر پليتكالارىن, جانبايتىن تۇعىرلارى جوق ەلەكتر شاينەكتەرىن پايدالانۋعا جانە ۇيدەگى جىلىتۋ ەلەكتر قۇرالدارىن قولدانۋعا, ەلەكتر جەلىسىنە ءبىر مەزگىلدە جوعارى قۋاتتى بىرنەشە ەلەكتر اسپاپتارىن قوسۋعا تىيىم سالىنادى. ەلەكتر ەنەرگياسىن بەرۋدى توقتاتقان جاعدايدا كەزەكشى قىزمەتتىڭ ەلەكتر مونتەرىن شاقىرۋ قاجەت.
باقشا ۇيلەرىندە, ساياجايلاردا جانە كوتتەدجدەردە تەز تۇتاناتىن جانە جانعىش سۇيىقتىقتاردى, سونداي-اق جانعىش ماتەريالداردى, ەسكى جيھازداردى, شارۋاشىلىق جانە باسقا دا زاتتاردى شاتىرلاردا ساقتاۋعا, دانەكەرلەۋ ورنىن جانعىش ماتەريالداردان الدىن الا تازالاماي جانە ءورت جۇمىستارىن جۇرگىزۋ ورنىن العاشقى ءورت ءسوندىرۋ قۇرالدارىمەن قامتاماسىز ەتپەي ەلەكتر جانە گازبەن دانەكەرلەۋ جۇمىستارىن جۇرگىزۋگە جانە سارايلار مەن شاتىرلاردا, سونداي-اق جانعىش ماتەريالدار ساقتالاتىن باسقا جەرلەردە تەمەكى شەگۋگە, سونداي-اق اشىق وتتى پايدالانۋعا تىيىم سالىنادى.
قالا تۇرعىندارىن ساق بولۋعا, وزىڭىزگە جانە جاقىندارىڭىزعا قامقورلىق جاساۋعا شاقىرامىن.
ساعىنتاي قادىربەكوۆ,
استانا قالاسى تجد الماتى اۋدانى توتەنشە جاعدايلار باسقارماسىنىڭ اعا ينجەنەرى
