Nur Otan پارتياسىنىڭ مۇشەسى ايبات اۋباكىروۆ سايلاۋ الدىنداعى ناۋقان بارىسىندا «Viking Security KZ», «Viking Service» كومپانيالارىنىڭ وكىلدەرىمەن ونلاين رەجيمدە كەزدەستى.
ايبات اۋباكىروۆتىڭ ايتۋىنشا, اتالعان ەكى كومپانيادا جۇمىس ىستەيتىن جىگىتتەر اسا ماڭىزدى ىستەردىڭ ءبىرى – قاۋىپسىزدىكتى قامتاماسىز ەتۋمەن اينالىسادى.
«بۇل جىگىتتەر ءبىرىنشى كەزەكتە شەشىلۋى ءتيىس ەڭ وتكىر, ەڭ وزەكتى ماسەلەلەردى ءتۇپ-تامىرىنان بىلەدى. ولارمەن بىرگە ءبىز قالا تۇرعىندارىنىڭ ءومىر ءسۇرۋ جاعدايلارىن قالاي جاقسارتۋ, جايلى ورتا قالىپتاستىرۋ تۋرالى پىكىر الماسىپ, حالىق ءۇشىن ەڭ قاجەتتى ماسەلەلەردى شەشۋ جولدارىن تالقىلادىق» دەدى ا. اۋباكىروۆ جاستارعا ارناعان سوزىندە.
سول كۇنى «ەسىكتەن – ەسىككە» اتتى اكتسيا شەڭبەرىندە الماتى اۋدانىنداعى («ۆسترەچا» ساۋدا ءۇيىنىڭ ماڭى) ۇيلەردىڭ بىرىندە مۇلىك يەلەرى بىرلەستىگىنىڭ (ميب) توراعاسى راميل حاميدۋللينمەن كەزدەسۋ ءوتتى. «راميل نۇرىلۇلى, شاعىن جانە ورتا بيزنەس وكىلى, ءوزىنىڭ شاعىن ءوندىرىسى بار, شەبەرحانا ۇستايدى. ول الداعى ۋاقىتتا ميب توراعاسى رەتىندە ءۇي تۇرعىندارىنىڭ شارۋاشىلىعىنا قاجەتتى دەگەن زاتتاردى شىعاراتىن ءوندىرىس اشۋدى جوسپارلاپ وتىر. بۇل ەلوردالىقتاردىڭ الەۋمەتتىك جاۋاپكەرشىلىگىنە تاماشا مىسال بولا الادى. ياعني, ءوزىنىڭ بيزنەسىن دامىتىپ قانا قويماي, قوعامعا پايداسىن دا تيگىزەدى» دەپ اتاپ ءوتتى ايبات اۋباكىروۆ.
«ەۋرازيا» ساۋدا ءۇيى ماڭىنداعى №5 شاعىن اۋدان تۇرعىندارىمەن جۇزدەسۋدە الداعى ۋاقىتتا بولاتىن وزگەرىستەر تۋرالى اڭگىمە قوزعالدى. اتاپ ايتقاندا, Nur Otan پارتياسىنىڭ قالا ينفراقۇرىلىمىن جاقسارتۋ, سونىڭ ىشىندە تۇرعىن ۇيلەردە قولايلى جاعداي جاساۋ جوسپارلارى تالقىلاندى. №5 شاعىن اۋدان تۇرعىندارى حالىقتى الاڭداتقان ماسەلەلەر تۋرالى اڭگىمەلەدى.
«استانالىقتاردىڭ مۇڭ-مۇقتاجىن تەرەڭ ءتۇسىنىپ, سول وتىنىشتەرىن قاناعاتتاندىرۋ ءۇشىن قاجەتتى ءىس-شارالاردى جۇزەگە اسىرماس بۇرىن مەن ءتۇرلى الەۋمەتتىك توپ, ماماندىق يەلەرىمەن بەتپە-بەت كەزدەسۋدى دۇرىس دەپ سانايمىن. ءبىر قۋانعانىم, تۇرعىندار وزدەرىن تولعاندىرعان ماسەلەلەرگە بەي-جاي قاراماي, پارتيانىڭ باستامالارىن قولداۋعا دايىن ەكەنىن جەتكىزدى» دەدى ول.
نۇر-سۇلتان قالاسىنداعى Nur Otan پارتياسى سايلاۋ قورىنىڭ قاراجاتىنان تولەندى.