استانادا كوپقاباتتى تۇرعىن ءۇي كەشەنى ورتالىقتاندىرىلعان جىلۋ جۇيەسىنە قوسىلدى. بۇل ىسكە استانا قالاسىنىڭ ءماسليحات دەپۋتاتتارى ءمان بەرىپ, قالا تۇرعىندارىنىڭ ماسەلەسىن شەشۋگە ىقپال ەتتى.
ارينە, ەلوردا ءۇشىن بۇل جاڭالىق بولماۋى كەرەك. الايدا قايىم مۇحامەدحانوۆ №41 ءۇيى ءۇشىن بۇل ماسەلە وزەكتى بولىپ كەلگەن-ءدى. «گراند ستاتۋس» جشس قۇرىلىسىن جۇرگىزگەن «لازۋرنىي بەرەگ» تۇرعىن ءۇي كەشەنى ە جىلۋ جۇيەسىنە, ە ەلەكتر جارىعىنا قوسىلمادى. تۇرعىندار وسى ماسەلەنى كوتەرىپ, قۇزىرلى ورگاندارعا شاعىمدانادى.
– 2021 جىلى قونىستانىپ قۋاندىق. الايدا قۋانىشىمىز ۇزاققا سوزىلماي, قىستا قيىندىققا تاپ كەلدىك. تۇرعىن ءۇي گازعا قوسىلعان-دى. بىراق اي سايىنعى تولەم 50 مىڭعا دەيىن شىعىپ, تۇرعىندارعا قارجىلىق تۇرعىدا قيىندىق اكەلدى. سوسىن گازدان باس تارتىپ, قىس بويى جىلۋسىز وتىرۋعا تۋرا كەلدى. پرەزيدەنت تاپسىرعانداي, «ەستيتىن مەملەكەتكە» شاعىمدانۋ ءۇشىن قالالىق اكىمدىك پەن ماسليحاتقا باردىق. ەستيدى ەكەن. قالالىق ءماسليحاتتىڭ توراعاسى ەرلان كاناليموۆ, دەپۋتاتتار كەندەباي ادامبەكوۆ, باحارگۇل تولەگەن ءبىزدىڭ ۋاجىمىزگە ءمان بەرىپ, ماسەلەنىڭ شەشىلۋىنە ىقپال ەتتى, – دەدى بەلسەندى تۇرعىن ەلميرا زاريپحانوۆا.
شىنىندا, 95 پاتەرلى تۇرعىن ءۇيدىڭ ماسەلەسى كوپ. كوگالداندىرۋ, اباتتاندىرۋ جۇمىستارىنان بولەك, بالالار ويىن الاڭى جوق. بارىنەن بۇرىن, تۇراقتى ەلەكتر جەلىسىنە قوسىلماعان. تۇرعىندار بۇل ماسەلەلەر كەزەڭ-كەزەڭىمەن شەشىلەتىنىنە سەنەدى.
– اmanat پارتياسى «حالىقپەن بىرگە!» دەپ اتالاتىن سايلاۋالدى باعدارلاماسىن جاريالاپ, سايلاۋشىلاردىڭ سەنىمىنە يە بولدى. ەندى ۋادەگە بەرىكتىك تانىتىپ, حالىقتى تولعاندىراتىن ماسەلەلەردى شەشۋ ماڭىزدى. بىزگە «لازۋرنىي بەرەگ» تۇرعىن ءۇي كەشەنى تۇرعىندارى ءوز شاعىمىن ءبىلدىردى. ماسەلەنىڭ انىق-قانىعىنا كوز جەتكىزىپ, نۇرا اۋدانىنىڭ اكىمدىگىمەن بىرگە شەشىمىن تابۋعا جۇمىس ىستەدىك. ناتيجەسىندە ورتالىقتاندىرىلعان جىلۋ جۇيەسىنە قوستىق. ەندى قازان ايىنىڭ العاشقى ونكۇندىگىنە دەيىن ەلەكتر جارىعىن شەشەمىز, – دەدى قالالىق ءماسليحاتتىڭ بيۋدجەت, ەكونوميكا, ونەركاسىپ جانە كاسىپكەرلىك ماسەلەلەرى جونىندەگى تۇراقتى كوميسسيا توراعاسى كەندەباي ادامبەكوۆ.
مۇندايدا قىرۋار قارجى تاۋىپ وتىرعان قۇرىلىس كومپانيالارىنىڭ جاۋاپكەرشىلىگىن ارتتىرۋ ماڭىزدى كورىنەدى.
