جاڭا يدەيالارىن پايدالى كاسىپكە اينالدىرۋدى ارمانداعان جاستار 30 مامىر مەن 1 ماۋسىم ارالىعىندا وتەتىن «Astana Startup Weekend» شاراسىندا سىنعا تۇسەدى.
استانا قالاسى اكىمدىگى, «استانا – جاڭا قالا» ەەا اكىمشىلەندىرۋ باسقارماسى, «استانا Innovations» مەكەمەسىنىڭ ۇيىمداستىرۋىمەن وتكىزىلىپ وتىرعان شاراعا «بولاشاق» حالىقارالىق باعدارلامالار ورتالىعى, «Soft Partners», سISCO, «ديالوگ» پاتەنتتىك بيۋروسى سىندى كومپانيالار دەمەۋشى جانە سەرىكتەس رەتىندە قولداۋ بىلدىرۋدە.
«Startup Weekend» بۇكىل الەم بويىنشا 30 مىڭعا تارتا جاس كاسىپكەرلەردى قولداۋعا ارنالعان جاھاندىق باستامانىڭ ءبىزدىڭ قالامىزداعى جاڭعىرىعى دەپ بىلىڭىزدەر. شارانىڭ نەگىزگى ءمانى – قاتىسۋشى العاشقى كۇنى ويىندا قىلاڭ بەرگەن ءبىر يدەيانىڭ جەتەگىندە كەلەدى دە, سول جەردەن كوماندا قۇرىپ, 3 كۇندىك نەمەسە 54 ساعاتتىق اقىل-وي ەڭبەگىنىڭ جەمىسى رەتىندە قازىلار القاسىنا ءونىمنىڭ ءپروتوتيپى مەن باستاپقى بيزنەس-جوسپارىن ۇسىنادى» دەيدى «استانا Innovations» اكتسيونەرلىك قوعامىنىڭ جۇرتشىلىقپەن بايلانىس جونىندەگى وكىلى جاننا ءساۋىروۆا.
2012 جىلدان بەرى ءداستۇرلى تۇردە وتكىزىلىپ كەلە جاتقان بۇل بايقاۋدىڭ جەڭىمپازدارى مەن قاتىسۋشىلارى اراسىندا ستارتاپ جوبالارىن اياقسىز قالدىرماي, دامىتىپ جاتقاندارى جەتەرلىك. بيىلعى «Astana Startup Weekend 2014» تاقىرىبى – «Smart Astana». ال, جۇلدە قورى – 1 000 000 تەڭگە.
