جاقىندا قالادا قاڭعىپ جۇرگەن ءۇي جانۋارلارىنىڭ جاعدايى جاقسارماق. استانا اكىمدىگىنىڭ ۇسىنىسىمەن ولارعا ارنالعان ورتالىق سالىنىپ جاتىر.
«استانا ۆەتسەرۆيس» مەكەمەسى ديرەكتورىنىڭ مىندەتىن اتقارۋشى ايدارحان ارىستانوۆتىڭ ايتۋىنشا, ونداي ورىن ەلوردانىڭ شەتىندەگى مامانداندىرىلعان حالىققا قىزمەت كورسەتۋ ورتالىعى جاعىنان بوي كوتەرۋدە ەكەن. وندا 400-گە جۋىق يتتەر مەن 100-گە تامان مىسىق بولادى دەپ كۇتىلۋدە. جاڭادان تۇسكەن يتكە ءۇش شارشى مەتر ۇيشىك بەرىلەدى. ارينە, وعان تەك قاڭعىباس ءۇي جانۋارلارى عانا ەمەس, كۇتىمدە ءجۇرىپ, جوعالىپ كەتكەن يتتەر دە قابىلدانادى. ەرەجەگە سايكەس, يتتەردى مۇندا 60 كۇن ۇستايدى. ورتالىقتىڭ ەسىگى كەز كەلگەن قايىرىمدى جانعا اشىق. كۇن سايىن بۇعان ءۇي جانۋارلارىن جاقسى كورەتىن جاندار كەلىپ, ولارعا تاماق اكەلىپ بەرەدى. «الداعى تاڭدا ورتالىق جانىنان جانۋارلارعا ارنالعان وقۋ الاڭى مەن شاعىن زووپارك اشۋدى جوسپارلاپ وتىرمىز» دەيدى ايدارحان ارىستانوۆ. ايتەۋىر, ەندى كوشەدە بوسىپ جۇرگەن قاڭعىباس يت پەن مىسىقتىڭ سانى ازايادى دەپ ويلايمىز.
