ەلوردادا Nur Otan پارتياسى اتىنان ءماسليحات دەپۋتاتتىعىنا ۇمىتكەرلەر كاسىپكەرلەرمەن ونلاين كەزدەسۋ وتكىزدى. ناسيحات جۇمىستارى اياسىندا ۇيىمداستىرىلعان جۇزدەسۋدە نۇروتاندىقتار شاعىن جانە ورتا بيزنەستى دامىتۋعا ىقپال ەتەتىن سايلاۋالدى باعدارلامانىڭ نەگىزگى تارماقتارىمەن تانىستى.
جيىنعا قاتىسقان «فيرما الكون+» جشس ديرەكتورى, دەپۋتات امان ايۋپوۆ, «وسك-سترويسەرۆيس» جشس ديرەكتورى ءداۋىت گەنحۋزوۆ, «BI Holding» جشس ديرەكتورىنىڭ ورىنباسارى تالعات قوجاحمەتوۆ جانە قالاداعى «شارىن» بازارىنىڭ كاسىپكەرلەرى سالاداعى تۇيتكىلدى ماسەلەلەر توڭىرەگىندە ءوزارا پىكىر الماستى.
تالعات قوجاحمەتوۆ ءوز سوزىندە بيىلعى الەمدى جايلاعان ىندەتكە وراي كارانتيندىك شەكتەۋلەر كاسىپكەرلىك سالاسىنا سالماق سالعانمەن, Nur Otan پارتياسىنىڭ باعدارلاماسىندا ەلىمىزدىڭ وركەندەۋىن قامتاماسىز ەتۋگە باسا نازار اۋدارىلعانىن اتاپ ءوتتى.
– 2020 جىل اياقتالىپ كەلەدى, بيىلعى ىندەت بارلىق سالاعا قيىندىق پەن ۇلكەن جاۋاپكەرشىلىك جۇكتەدى. ەشكىمگە وڭاي بولعان جوق. كەلەر جىل جاڭارۋ, قايتا قالىپتاسۋ كەزەڭى بولادى دەپ سەنەمىن. قالانىڭ كەز كەلگەن كۇرمەۋلى ماسەلەلەرىنە بەيجاي قاراپ وتىرۋ مۇمكىن ەمەس. ماسەلەن, حالىقتىڭ باسپانامەن قامتىلۋى, جول جوندەۋ, ءبىلىم ساپاسىن ارتتىرۋ, كاسىپكەرلىككە كوڭىل ءبولۋ – قاشاندا كۇن تارتىبىندە. الدا بيزنەس جۇرگىزۋگە قولايلى جاعداي جاسالعان مەملەكەتتەر توبىنا قوسىلۋ ماقساتى تۇر. شاعىن جانە ورتا بيزنەس مەملەكەتتىڭ ىرگەتاسى ەكەنىن ەستەن شىعارماۋىمىز كەرەك. قالا تۇرعىنى رەتىندە استاناداعى ءومىر ءسۇرۋ ساپاسىن ارتتىرۋدىڭ ماڭىزىن ءجىتى تۇسىنەمىن جانە بۇل ماسەلەنىڭ دە شەشىمىن تابۋعا اتسالىسامىن, – دەدى ول.
بيىل Nur Otan پارتياسىنىڭ دەپۋتاتتىق فراكتسياسى قالا تۇرعىندارىنىڭ جاعدايىن جاقسارتۋعا ارنالعان 40-تان اسا ماسەلەنى كوتەردى. سونىڭ ىشىندە جارتىسىنان كوبى وڭ شەشىلدى. اتاپ ايتقاندا, زەينەتكەرلەر مەن باسقا دا الەۋمەتتىڭ ءالجۋاز توبىنا جاتاتىن ازاماتتارعا گاز قۇنىنىڭ جارتى باعاسىنا وتەماقى بەرۋگە قاۋلى قابىلداۋعا كومەكتەستى. فراكتسيا دەپۋتاتتارىنىڭ ۇسىنىسىمەن قالادا ءبىلىم جانە دەنساۋلىق ساقتاۋ نىساندارىن گاز تاراتۋ جەلىلەرىنە قوسۋ ۇدەرىسى باستالدى. جىل سوڭىنا دەيىن 15 نىساندى قوسۋ جوسپارلانىپ وتىر. 6 نىسان كەلەسى جىلى قوسىلادى. بۇعان قوسا «پريگورودنىي» تۇرعىن الابىن اباتتاندىرۋعا قارجى ءبولۋ ماسەلەسى كوتەرىلدى. مۇمكىندىگى شەكتەۋلى بالالاردى ەرتىپ جۇرەتىن اتا-انالارعا جەڭىلدىكپەن جول ءجۇرۋ ماسەلەسى شەشىلدى.
نۇر-سۇلتان قالاسىنداعى Nur Otan پارتياسى سايلاۋ قورىنىڭ قاراجاتىنان تولەندى.