ءۇش ءتىلدى ۇيرەنەدى
بيىل – ساكەن سەيفۋللين اتىنداعى قازاق اگروتەحنيكالىق ۋنيۆەرسيتەتىنىڭ 60 جىلدىق مەرەيتويى. وسىعان وراي, ۋنيۆەرسيتەت رەسپۋبليكالىق كوپ ءتىلدى «ءۇش تۇعىرلى ءتىل «KazATU-Polympis» اتتى وليمپيادا وتكىزدى.
وليمپياداعا ەلىمىزدەگى 12 جوعارى وقۋ ورىندارىنىڭ ستۋدەنتتەرى قاتىستى. بۇل جاستاردىڭ شەت ءتىلىن ۇيرەنۋگە دەگەن قۇلشىنىسى كۇن وتكەن سايىن جوعارىلاپ كەلە جاتقانىن ايعاقتايدى.
– وليمپيادا وتكىزۋدەگى باستى ماقسات ءتىل ماماندىعىنا قاتىسى جوق ستۋدەنتتەر اراسىندا كوپ تىلدىلىك يدەياسىنا قولداۋ كورسەتۋ بولىپ وتىر. سونىمەن قاتار, ءبىز شەت تىلدەرىن وقىپ-ۇيرەنۋگە قىزىعۋشىلىق تۋدىرىپ, وقۋشىلاردىڭ الەۋمەتتىك جانە مادەني بىلىكتىلىگىن كەڭەيتۋدى كوزدەدىك. سەبەبى مەملەكەت باسشىسى نۇرسۇلتان نازارباەۆ جاستاردىڭ كوپ ءتىلدى مەڭگەرىپ, بىلىكتى مامان بولۋىنا ايرىقشا نازار اۋدارىپ وتىر, – دەيدى ۋنيۆەرسيتەتتىڭ شەت تىلدەرى كافەدراسىنىڭ مەڭگەرۋشىسى گۇلدەنسىن راقىمبەكوۆا.
وليمپياداعا اقش ەلشىلىگىنىڭ ورتالىق ازياداعى قورشاعان ورتا, عىلىم, تەحنيكا مەن دەنساۋلىق ساقتاۋ سالاسىنىڭ ايماقتىق قىزمەتكەرى روبين ماك كاچەن, فرانتسيا ەلشىلىگىنىڭ قازاقستانداعى عىلىمي جانە تەحنيكالىق ىنتىماقتاستىق جونىندەگى اتتاشەسى توم يۋەت مىرزا قاتىستى. سونىمەن قاتار, جيىنعا فرانتسۋز اليانسىنىڭ استانا قالاسىنداعى ديرەكتورى دينارا ورازباەۆا, گەرمانيالىق DAAD-تىڭ ايماقتىق وكىلى ساندرا براۋن كەلدى.
سەرىك قۇدايبەرگەنۇلى