ۇستازدار ۇلىقتالدى

Nur Otan پارتياسىنىڭ رەسپۋبليكالىق سايلاۋالدى شتاب مۇشەلەرى باتىس قازاقستان وبلىسىنا بارىپ, ءوڭىردىڭ ۇستازدار قاۋىمىمەن كەزدەستى. باسقوسۋدا الداعى 5 جىلدا ءبىلىم سالاسىن دامىتۋدىڭ نەگىزگى باسىمدىقتارى تالقىلاندى.

ءبىزدىڭ مىندەتىمىز – مۇعالىم كاسىبىنىڭ بەدەلىن ودان ءارى كوتەرىپ, ۇستازعا قۇرمەتتى كۇشەيتۋ. ەندى پەداگوگتار جالاقىسى 2 ەسە وسەتىن بولادى. 2025 جىلعا قاراي 800 جاڭا ءبىلىم بەرۋ نىسانىن سالۋ ەسەبىنەن اپاتتى جانە ءۇش اۋىسىمدىق مەكتەپ ماسەلەسى شەشىلەدى. سونداي-اق شاعىن قالالاردا, اۋدان ورتالىقتارى مەن اۋىلداردا 5 مىڭ مەكتەپ جاڭعىرتىلادى. بارلىق اۋىلدىق مەكتەپتەر جىلدامدىعى جوعارى عالامتورمەن قامتىلادى, – دەدى رەسپۋبليكالىق سايلاۋالدى شتاب جەتەكشىسى باۋىرجان بايبەك.
بۇدان سوڭ بيلەۋشى پارتيا وكىلدەرى ۆولونتەرلەرمەن, ستۋدەنت جاستارمەن جانە ەتنومادەني بىرلەستىكتەر وكىلدەرىمەن كەزدەستى. پارتيا ءباسپاسوز قىزمەتىنىڭ مالىمەتىنشە, 11 جەلتوقساندا وتكەن Jas Otan قۇرىلتايىندا باستاۋ العان «مەن Nur Otan-عا مۇشە بولامىن» جاستار چەللەندجى­نىڭ اياسىندا بيلەۋشى پارتيا قاتارىنا قازىردىڭ وزىندە 6 مىڭنان استام جاس قازاقستاندىق قوسىلدى.
– ەلباسىنىڭ مەملەكەتتىك باعدارىنىڭ ساباقتاس­تىعىن ساقتاي وتىرىپ, Nur Otan قوعامدا, اسىرەسە جاستار اراسىندا ءوزارا قۇرمەت پەن بارشا ازاماتتىڭ تەڭدىگى قۇندىلىعىن دارىپتەۋدى جالعاستىرادى. ءبىزدىڭ باعدارلامامىزدا جاستاردى جۇمىسپەن قامتۋعا جانە ولاردىڭ ءوز قابىلەتتەرىن جۇزەگە اسىرۋى ءۇشىن جاعداي جاساۋعا ەرەكشە ءمان بەرىلگەن. مەملەكەت باسشىسى قاسىم-جومارت توقاەۆ Nur Otan قۇرىلتايىندا اتاپ وتكەندەي, سۇرانىسقا يە ماماندىقتار بويىنشا جوعارى ءبىلىم الۋعا ارنالعان گرانتتار سانىن 50 پايىزعا ۇلعايتۋ جوسپارلانۋدا. جاستار ۇيىمدارىنىڭ جوبالارىن جانە ۆولونتەرلىك قوزعالىستى دامىتۋدى گرانتتىق قارجىلاندىرۋ 1,5 ەسە ۇلعايتىلادى, – دەدى ول.
سول كۇنى سايلاۋالدى شتاب مۇشەلەرى ورال ترانسفورماتور زاۋىتىنىڭ جۇمىسشىلارىمەن كەزدەسۋدە ءوڭىردىڭ پروبلەمالارىن تالقىلادى.
پارتيا 5 جىل ىشىندە وبلىستا 800 كم-دەن استام اۆتوموبيل جولدارىن جوندەۋ, اۋىل تۇرعىندارىنىڭ سۋمەن قامتىلۋىن 100 پا­يىزعا جەتكىزۋ مىندەتىن قويىپ وتىر. وڭىردە 11 جاڭا مەكتەپ جانە 2 ميلليون شارشى مەتردەن اسا تۇرعىن ءۇي سالىنادى. وسى ارقىلى الەۋمەتتىك مۇقتاج ازاماتتارعا 8 مىڭ پاتەر بەرىلەدى.