ىبىراي ءالتىنساريننىڭ 180 جىلدىعىنا وراي ەلوردادا «ۇستازدىڭ ۇلى كەلبەتى – ىبىراي» تاقىرىبىندا قالالىق كونفەرەنتسيا ءوتتى.
ۇلت ۇستازى ى.التىنسارين – قازاق پەداگوگيكاسىنىڭ ىرگەتاسىن قالاۋشى. اعارتۋشىنىڭ اسىل مۇراسىن زەرتتەۋ جانە ونىڭ يدەيالارىن قازىرگى ءبىلىم بەرۋ جۇيەسىندە جۇزەگە اسىرۋ – زامان تالابى. كونفەرەنتسيانىڭ ماقساتى – ءبىلىم بەرۋ سالاسىنىڭ دامۋىندا ى.ءالتىنساريننىڭ ءومىرى مەن ءىس-ارەكەتى ارقىلى ونىڭ ويشىل-فيلوسوفيالىق كوزقاراسىن ناسيحاتتاۋ. ديالوگ الاڭىنا ەلوردالىق ۇزدىك پەداگوگتار قاتىستى.
ءىس-شارا بارىسىندا بالالار مۋزىكا مەكتەبىنىڭ دومبىراشىلار ءانسامبلى قازاق اندەرىن ورىندادى. ى.ءالتىنساريننىڭ 180 جىلدىعىنا ارنالعان «ۇستازدىڭ ۇلى كەلبەتى – ىبىراي» اتتى جاس سۋرەتشىلەر بايقاۋىنىڭ جەڭىمپازدارى ۇزدىك جۇمىستارىن كورمەدە كورسەتتى جانە نۇر-سۇلتان قالاسىنىڭ №2 ونەر مەكتەبىنىڭ پەداگوگتارى, «اينالايىن» بالالار حورى اعارتۋشىعا ارنالعان اۆتورلىق شىعارمالاردى ورىندادى.
سونداي-اق كونفەرەنتسياعا رەسپۋبليكامىزدىڭ ءبىلىم بەرۋ جۇيەسىنىڭ باسشىلارى مەن ماماندارى, نۇر-سۇلتان قالاسى اكىمدىگىنىڭ جانە قوعامدىق ۇيىمداردىڭ, جوعارى وقۋ ورىندارىنىڭ, عىلىمي ورتالىقتاردىڭ, ءبىلىم بەرۋ ۇيىمدارىنىڭ پەداگوگتارى مەن ى.التىنسارين توسبەلگىسىنىڭ يەگەرلەرى قاتىستى.
