ەلورداداعى №17 گيمنازيا مەكتەبىنىڭ ديرەكتورى رامزيا ومىرباەۆا فرانتسيانىڭ قۇرمەتتى ناگراداسىمەن – ءبىلىم مەن عىلىمعا سىڭىرگەن ەڭبەگى ءۇشىن اكادەميالىق پالمالار وردەنىنىڭ كاۆالەرى اتاعىمەن ماراپاتتالدى
بۇل ماراپاتتى 1808 جىلى يمپەراتور ناپولەون تاعايىنداعان ەكەن جانە فرانتسياداعى ەڭ كونە ازاماتتىق ناگرادا سانالادى. اكادەميالىق پالمالار وردەنى – فرانتسۋز ءتىلىن قولداۋ جانە تاراتۋ, فرانتسيا مەن قازاقستان اراسىنداعى ءبىلىم بەرۋ ىنتىماقتاستىعىن نىعايتۋ سالاسىنداعى ەڭبەگىن مويىنداۋ بەلگىسى قابىلدانادى.
№17 مەكتەپ گيمنازياسى جيىرما جىلدان بەرى فرانتسيا ەلشىلىگىمەن ىنتىماقتاسىپ كەلەدى, «فرانتسۋز ءتىلىن ەرتە ۇيرەنۋ», «ەكى ءتىلدى مەكتەپ» جوبالارىنا قاتىسادى. مەكتەپ وقۋشىلارى ءۇشىن ءتىلدى عانا ەمەس, سونىمەن قاتار ماتەماتيكا, فيزيكا پاندەرىن فرانتسۋز تىلىندە وقۋعا تاماشا مۇمكىندىك بار. جىل سايىن وقۋشىلار رەسپۋبليكالىق وليمپيادانىڭ جەڭىمپازى اتانىپ, فرانتسيانىڭ جوعارى وقۋ ورىندارىنا تەگىن وقۋعا تۇسۋگە مۇمكىندىگى بار.
