تانىمال قازاقستاندىق اكتەر تولەپبەرگەن بايساقالوۆ تاعى ءبىر ماراپاتقا, اتاپ ايتقاندا, Asian World film festival (لوساندجەلەس) كينوفەستيۆالىندە رەجيسسەر ا.قاسىمبەكتىڭ «وت» فيلمىندەگى جۇمىسى ءۇشىن «ۇزدىك ەر ادام ءرولى» جۇلدەسىنە يە بولدى.
بۇل تۋرالى كارتينانىڭ پروديۋسەرى ديانا ءاشىموۆا Instagram-داعى پاراقشاسىندا جازدى. دۇنيەجۇزىلىك ازيا كينوفەستيۆالى (AWFF) جەتىنشى رەت جىل سايىن وتكىزىلىپ كەلەدى. وندا ازيالىق رەجيسسەرلەردىڭ جۇمىسىن كورسەتىلەدى. بۇل فەستيۆال گولليۆۋدتىق جانە ازيالىق ويىن-ساۋىق يندۋسترياسى اراسىنداعى بايلانىستى نىعايتادى. بيىل بايقاۋعا 20-دان استام ەلدە تۇسىرىلگەن 30 فيلم قاتىستى. «وت» ءفيلمى بۇگىنگى قوعامدا ءومىر ءسۇرىپ جۇرگەن قاراپايىم ادامنىڭ وقيعاسىن باياندايدى. توليك (تولەپبەرگەن بايساقالوۆ) – ۇلكەن مەگاپوليستە ءومىر سۇرۋگە جانە وتباسىن اسىراۋعا تىرىساتىن ۇلكەن وتباسىنىڭ باسشىسى. ول كۋرەر بولىپ جۇمىس ىستەيدى, ازعانتاي جالاقىعا وتباسىن اسىراي الماعاندىقتان, ول دا كوپتەگەن ادامدار سياقتى نەسيە الىپ, قارىزعا باتىپ ءومىر سۇرۋگە ءماجبۇر بولادى. بىراق سونىمەن بىرگە ول قىزىنا ۇلكەن ءۇمىت ارتادى. كۇندەردىڭ كۇنىندە جۇمىستان ۇيگە ورالعاندا, قىزى ساۋلەنىڭ جۇكتى ەكەنى تۋرالى كۇتپەگەن جەردەن حاباردار بولادى. بۇل جاڭالىق قىزىنىڭ بولاشاعىنا ارنالعان جوسپارلاردىڭ كۇل-تالقانىن شىعارادى. جاعدايدى شەشۋگە تىرىسقان توليك بىرقاتار قيىندىق پەن وقيعاعا تاپ بولادى
