دۇنيەدە اسپازدىقتان اسقان قادىرلى, قاجەتتى ماماندىق جوقتىڭ قاسى. اسپازداردى دايارلايتىن كوللەدجدەر اراسىندا WorldSkills Kazakhstan جوباسى بويىنشا بايقاۋلار بىرنەشە جىلدان بەرى وتكىزىلىپ كەلەدى.
WorldSkills Kazakhstan – تەحنيكالىق جانە كاسىپتىك ءبىلىم بەرۋ سالاسىندا الدىڭعى قاتارلى تاجىريبە الماسۋ بويىنشا حالىقارالىق الاڭ.
حالىقارالىق اسپازدار كۇنى الەمنىڭ 70 مەملەكەتىندە تويلاۋ ءداستۇرلى مەرەكە بولسا, وسى ايتۋلى مەرەكەنى تويلاۋ 2019 جىلدان AstauFest فەستيۆالى دەگەن اتاۋمەن قوعامدىق تاماقتاندىرۋ جانە سەرۆيس كوللەدجىندە جىل سايىن تۇراقتى تۇردە وتكىزىلۋدە.
فەستيۆالدىڭ كوزدەگەن باستى ماقساتى – حالىقارالىق ىنتىماقتاستىق ارقىلى الەمدىك WorldSkills قوزعالىسىنىڭ دامۋىنا, وعان قاتىسۋشى جاستاردىڭ شەبەرلىك دەڭگەيىنە جاڭا سەرپىن بەرۋ, اسپاز ماماندىعىنىڭ ماڭىزىن دارىپتەۋ, مەيرامحانا بيزنەسىن يندۋستريا رەتىندە دامىتۋ, اسپاز سالاسىندا ەرەكشە قابىلەتتى كاسىبي شەبەرلەردى انىقتاۋ, ولارعا قولداۋ كورسەتۋ.
«بۇل ءىس-شارا جۇمىسشى ماماندىقتار بەدەلىنىڭ ارتۋىنا عانا ەمەس, سونداي-اق قىزمەتكەرلەردى تاڭداعان ماماندىقتارىنا جان-جاقتى وقىپ-ۇيرەنۋگە ىنتالاندىراتىنىنا جانە ءوزىنىڭ كاسىبي شەبەرلىگىن جەتىلدىرۋگە دە سەپتىگىن تيگىزەتىنىنە سەنىمدىمىن» دەيدى استانا قالالىق قوعامدىق تاماقتاندىرۋ جانە سەرۆيس كوللەدجىنىڭ ديرەكتورى زاۋرە قىلىشباەۆا.
فەستيۆال بارىسىندا الەمنىڭ تۇكپىر-تۇكپىرىنەن جينالعان ستۋدەنتتەر, سالا ماماندارى حالىقارالىق دەڭگەيدە تاجىريبە الماسىپ, باس قوسادى.
AstauFest-2022 فەستيۆالىنە ءۇش جىل قاتارىنان الىس-جاقىن مەملەكەتتەردەن وكىلدەر كەلدى. بۇگىندە تۇركيا, كورەيا, رەسەي, ياكۋتيا, قىرعىزستان, وزبەكستان, ازەربايجان, تاتارستان مەملەكەتتەرىمەن ىنتىماقتاستىق ناتيجە بەرىپ وتىر.
فەستيۆال – كرەاتيۆتى مامانداردىڭ ءوز يدەيالارىن ورتاعا سالاتىن قازاقستاندىق ءبىلىم بەرۋ سالاسى ءۇشىن ورتاق الاڭ. وقۋ-اعارتۋ سالاسىنىڭ, ءبىلىم باسقارماسى تاراپىنان زور قولداۋعا يە بولىپ وتىر.
8 مەملەكەت پەن ەلىمىزدىڭ 13 ايماعىنان جۇزدەن اسا ستۋدەنت پەن سايىسقا قاتىسۋشى شەبەرلەر, سونداي-اق, ساراپشىلار كەلدى.
