رۇقسات ەتىلمەگەن ورىنداردان 47 مىڭ توننادان استام قوقىس شىعارىلدى.
استانادا ستيحيالىق قوقىستاردى جويۋ جانە رۇقسات ەتىلمەگەن ورىنداردا قوقىس توگەتىندەردى جاۋاپكەرشىلىككە تارتۋ بويىنشا بەلسەندى جۇمىس ءجۇرىپ جاتىر.
بيىل قالادا 56 ستيحيالىق ورىن جويىلدى. رۇقسات ەتىلمەگەن ورىنداردان 47 مىڭ توننادان استام قوقىس شىعارىلدى. جەرگىلىكتى پوليتسيامەن بىرلەسىپ, قۇقىق بۇزۋشىلاردى انىقتاۋ بويىنشا تۇراقتى رەيدتىك ءىس-شارالار جۇرگىزىلۋدە. وسىلايشا, جىل باسىنان بەرى 1 700-دەن استام قۇقىق بۇزۋشى اكىمشىلىك جاۋاپكەرشىلىككە تارتىلدى, ولاردىڭ ىشىندە 134 قۇرىلىس كومپانياسى مەن 89 قىزمەت كورسەتۋ ۇيىمى بار.
قوقىستى جيناۋ ءۇشىن ەكوپوليگونعا جاقىن اۋماق بەلگىلەندى. وندا قالدىقتاردى ۋاقىتشا الاڭعا قابىلداۋ جۇمىسى جۇرگىزىلىپ جاتىر. اۋدان اكىمدىكتەرى مۇندا 3 600 توننادان استام قوقىس جەتكىزدى.
بۇگىنگى كۇنى ەلوردادا جۇمىس ىستەيتىن قۇرىلىس كومپانيالارىنىڭ بارىنە قۇرىلىس قالدىقتارىن «سولتۇستىك جوتاعا» جانە قتق پوليگونىنا جەتكىزۋ, قۇرىلىس الاڭدارى اۋماعىندا قوقىستى بولەك جيناۋعا ارنالعان كونتەينەرلەر ورناتۋ جانە وندا ەكولوگيالىق كودەكس تالاپتارىنىڭ ساقتالۋىنا قاتىستى حابارلامالار جىبەرىلدى.
