ەلورداداعى №15, №16, №18 جانە №35 جالپى ءبىلىم بەرۋ مەكتەپتەرى اۋلاسىندا جىل بويى پايدالاناتىن كوپفۋنكتسيونالدى جابىق سپورت الاڭدارىن سالۋ جوسپارلانىپ وتىر. جوبا مەملەكەتتىك-جەكەمەنشىك ارىپتەستىك اياسىندا جۇزەگە اسىرىلادى. بۇل تۋرالى نۇر-سۇلتان قالاسى ءبىلىم باسقارماسى حابارلادى.
سپورت الاڭدارىنىڭ الدىن الا پارامەترلەرى مىناداي:
عيمارات ءبىر قاباتتى. ونىڭ جوسپارداعى ولشەمى – 24.0*48,0 م;
تامبۋر – 3,3 شارشى مەتر;
ۆەستيبيۋل – 22 شارشى مەتر;
كيىم اۋىستىراتىن بولمەلەر (ەر بالالار مەن قىز بالالارعا ارنالعان) – 10,2 شارشى مەتر جانە 12,4 شارشى مەتر;
سپورت زالى – 100,5 شارشى مەتر;
مەدپۋنكت – 6,3 شارشى مەتر;
جاتتىقتىرۋشىلار بولمەسى –
8,3 شارشى مەتر;
جىلۋ تورابى – 3,2 شارشى مەتر;
دۋش بولمەلەرى (ەر بالالار مەن قىز بالالارعا ارنالعان) – 4,0 شارشى مەتردەن;
دارەتحانا (ەر بالالار مەن قىز بالالارعا ارنالعان) – 1,7 شارشى مەتر.
جوبانى ىسكە اسىرۋ كەزەڭى مەملەكەتتىك-جەكەمەنشىك ارىپتەستىك شارتىمەن ايقىندالادى.
