استانا قالاسىنىڭ اكىمى جەڭىس قاسىمبەك «جاعالاۋ» شاعىن اۋدانى قالاي داميتىنىن ايتتى. بۇل تۋرالى قالا باسشىسى الەۋمەتتىك جەلىدەگى پاراقشاسىندا اقپارات تاراتتى.
«جاعالاۋ» شاعىن اۋدانى – قالانىڭ قارقىندى دامىپ كەلە جاتقان شاعىن اۋدانىنىڭ ءبىرى. مۇندا ۇلكەن جۇمىستار ورىندالۋى قاجەت: الەۋمەتتىك نىساندار سالۋ, جول-كولىك ينفراقۇرىلىمى, جارىقتاندىرۋ جۇرگىزۋ, اباتتاندىرۋ ماسەلەلەرى جانە ت. ب.
قالانى ارالاۋ بارىسىندا بىرنەشە ورىنعا باردىم. ماڭىزدى ماسەلەنىڭ ءبىرى – مەكتەپ سالۋ. نۇرا اۋدانىنىڭ وزىندە «جايلى مەكتەپ» جوباسى بويىنشا 2024-2025 جىلدارى 9 مەكتەپ سالىنادى.
اباتتاندىرۋعا توقتالار بولساق, بيىل نۇرا اۋدانىندا 5 قوعامدىق كەڭىستىك اباتتاندىرىلدى. ولاردىڭ ءبىرى «جاعالاۋ» تۇرعىن ءۇي كەشەنىنىڭ ماڭىندا جىلدار بويى بوس جاتقان ۋچاسكە اباتتاندىرىلدى. وندا اۆتوتۇراعى بار 12 قاباتتى كوپفۋنكتسيونالدى كەشەن سالۋ جوسپارلانعان بولاتىن. سول سياقتى ش.ايتماتوۆ كوشەسىنىڭ بويىندا كوگالداندىرۋ جۇمىسى قولعا الىندى. 1 مىڭنان استام اعاش وتىرعىزىلدى.
«شىعىس» تۇرعىن ءۇي كەشەنىنىڭ ارتىنداعى BINOM مەكتەبىنە دەيىنگى كوشەلەردىڭ (ە-12, ە-14, ە-15, ە-32, ە-35) قۇرىلىسى اياقتالدى. وندا شارۋاشىلىق-تۇرمىستىق كارىز, نوسەر كارىزى, سۋ قۇبىرى جابدىقتالعان, جارىقتاندىرۋ كابەلدەرى ءىشىنارا توسەلگەن. دەگەنمەن شاعىن اۋداندا جارىقتاندىرۋ ماسەلەسى ءالى دە بار, جەلىلەردىڭ ءبارى بالانسقا بەرىلمەگەن. ءبىز ولاردى كەزەڭ-كەزەڭىمەن قالانىڭ بالانسىنا قابىلدايمىز. كوكتەمدە كوشە قۇرىلىسى, اۋلا مەن قوعامدىق كەڭىستىكتى اباتتاندىرۋ, كوگالداندىرۋ جانە ت. ب. جۇمىستى جالعاستىرامىز» دەپ جازدى جەڭىس قاسىمبەك.
