جامبىل اتىن جاڭعىرتامىز

بيىل جىر الىبى جامبىل اتامىزدىڭ 170 جىلدىعى اتاپ وتىلۋدە. وسى ورايدا ەلىمىزدىڭ تۇكپىر-تۇكپىرىندە ءتۇرلى شارالار ۇيىمداستىرىلىپ جاتىر.  

ءبىز دە مەكتەبىمىزدىڭ جامبىل جاباەۆ اتىمەن اتالاتىنىن ماقتان ەتەمىز. حالىق پوەزياسىنىڭ الىبى, عاسىر جاساعان كەمەڭگەر اقىننىڭ ءومىر جولىن ونەگەلەگەن تاعىلىمدى شارالاردى ءوز مەكتەبىمىزدە دە وتكىزدىك.

سونداي شارالاردىڭ ءبىرى دارىندى وقۋشىلاردى ماراپاتتاۋ ءراسىمى بولدى. مەكتەپ باسشىلارى رەسپۋبليكالىق, قالالىق جانە اۋداندىق ءبىلىم بايقاۋلارىندا جۇلدەگەر اتانعان وزات وقۋشىلارعا قۇرمەت ءبىلدىردى. پاندەر بويىنشا وتكەن ءبىلىم سايىستارىندا ءبىرىنشى ورىن العان نۇرسۇلتان الىبەك, ەكىنشى ورىن العان ايدانا الدانازار مەن ايگەرىم ەسىموۆا, ءۇشىنشى ورىنعا يە بولعان كريستينا قاراجانوۆا مەن زايدا اۋباكىروۆا – مەكتەبىمىزدىڭ ماقتانىشتارى. سونداي-اق, كوپتەگەن وقۋشىلارىمىز عى­لىمي جوبالار بايقاۋىندا باق سىناپ, جۇلدەگەرلەر قاتا­رىنان كورىندى.

مەكتەپ اكىمشىلىگى وزات وقۋشىلارمەن قاتار ولاردىڭ مۇعالىمدەرىنە دە العىس جاريالاپ, سىي-قۇرمەت كورسەتتى.

ايسۇلۋ دوسماعامبەتوۆا,
ج.جاباەۆ اتىنداعى №4 مەكتەپ-گيمنازيانىڭ 11-سىنىپ وقۋشىسى

ماتەريالدى “استانا اقشامى” گازەتىنىڭ astana-akshamy.kz رەسمي سايتىنا سىلتەمە جاساعاندا عانا پايدالانۋعا رۇقسات ەتىلەدى.