بايقوڭىر اۋدانى – ەلورداداعى ەڭ جاس اۋدانداردىڭ ءبىرى. اۋدان قۇرىلعاننان كەيىن قىسقا عانا ۋاقىت ىشىندە كوپتەگەن جۇمىستار اتقارىلدى.
2020-2021 جىلدار ارالىعىندا اۋدانداعى 237 اۋلانىڭ 110-ى اباتتاندىرىلدى. 55 اۋلا كەشەنى جوندەلىپ, قالپىنا كەلتىرىلدى. سونداي-اق 22 قوعامدىق كەڭىستىكتى جايلى ەتۋ جۇمىسى جۇرگىزىلدى. ەكى جىلدىڭ ىشىندە 105 كوشەدە 5400 شام اۋىستىرىلدى. اۋداننىڭ كوشەلەرى 100% جارىققا قوسىلدى, ونىڭ ىشىندە بۇرىن جارىعى بولماعان 79 كوشەگە جارىق باعانالارى ورناتىلدى. كوگالداندىرۋ جۇمىستارى اياسىندا 14 مىڭ اعاش ەگىلدى.
ەكى جىلدىڭ ىشىندە اۋداندا جاڭا دەنە شىنىقتىرۋ جانە ساۋىقتىرۋ كەشەنى بوي كوتەردى. سونىمەن بىرگە, №8 مەكتەپ-ليتسەيى سىندى الەۋمەتتىك ماڭىزى بار نىساندار پايدالانۋعا بەرىلدى. 2 مەكتەپتە قۇرىلىس جۇمىسى اياقتالدى. چەحوەۆ, 12 كوشەسىندەگى «دوستىق» وتباسىلىق دارىگەرلىك امبۋلاتوريا كۇردەلى جوندەۋدەن ءوتتى. بايقوڭىر اۋدانىنىڭ پوليتسيا باسقارماسى ءۇشىن فرونت كەڭسەنىڭ قۇرىلىسى اياقتالۋعا جاقىن. كەلەسى جىلى №12 مەكتەپتىڭ قۇرىلىسىن باستاۋ جوسپارلانىپ وتىر. سونداي-اق «ءوندىرىس» تۇرعىن الابىندا 250 ادامعا ارنالعان امبۋلاتوريالىق-ەمحانالىق كەشەننىڭ ەسكيزدىك جوباسى ازىرلەندى. №8 ەمحانا كورپۋستارىن قوسۋ بويىنشا جۇمىس جوسپارى بەلگىلەنگەن. وعان قوسا, جالپى ءبىلىم بەرەتىن 2 مەكتەپتە قوسىمشا قۇرىلىس سالۋ جوسپاردا بار. 2020 جىلى دەمەۋشىلىك كومەك ەسەبىنەن 9 جاتاقحانانىڭ شاتىرى مەن ينجەنەرلىك جەلىلەرىن قالپىنا كەلتىرۋ جۇمىستارى جۇرگىزىلدى.
