جاڭا ورتالىق – جاستارعا جاناشىر

استانا قالاسى اكىمىنىڭ ورىنباسارى ايدا بالاەۆانىڭ توراعا­لى­عىمەن اكىمدىك جانىنداعى جاستار ىستەرى جونىندەگى كەڭەستىڭ كەزەكتى وتىرىسى ءوتتى. وعان مەملەكەتتىك مەكەمەلەردىڭ باسشىلارى, جاستار ۇيىمدارىنىڭ وكىلدەرى قاتىستى. ءىس-شارادا جاڭادان اشىلعان «استانا جاستارى» رەسۋرستىق ورتالىعىنىڭ قىزمەتى تانىستىرىلدى.

ورتالىق ديرەكتورى قايىربولات ساحمە­توۆ­تىڭ ايتۋىنشا, مەكەمە بىرنەشە باعىتتا جۇمىس ىستەيدى. اتاپ ايتقاندا, جۇمىسقا ورنالاستىرۋ, تۇرعىن ءۇي تۋرالى كەڭەس بەرۋ, زاڭدىق تۇرعىدا كومەكتەسۋ. سونىمەن قاتار, ەرىكتىلەر قوزعالىسىن دامىتىپ, ولاردى «EXPO-2017» حالىقارالىق كورمەسىن ۇيىمداستىرۋ جۇمىسىنا تارتۋمەن اينالىسادى. جاستارعا ءتۇرلى ترەنينگتەر مەن سەمينارلار وتكىزىلىپ, بىلىكتى دە, ءبىلىمدى ەرىكتىلەر دايىنداپ شىعارادى. ادامدارمەن قارىم-قاتىناس جاساۋعا, ءتىلدى, ەلدىڭ تاريحىن جەتىك مەڭگەرۋگە ۇيرەتەدى. ورتالىق ءبىر جىلدا 1100 ەرىكتى دايىنداپ شىعۋدى جوسپارلاپ وتىر.

استانا قالاسى اكىمىنىڭ ورىنباسارى ايدا بالاەۆا مۇنداي ورتالىقتاردىڭ جاستاردىڭ جاڭا مۇمكiندiكتەرىنە جول اشىپ, بيiك بەلەستەرگە جەتەلەيتiنiن ايتتى. حالىقارالىق ەكسپو كورمەسى قارساڭىندا بولاشاعىن باس قالامەن بايلانىستىرعىسى كەلەتىندەر كوبەيىپ كەلەدى. قالاعا بىرنەشە ءتىلدى جەتىك مەڭگەرگەن, مەديتسينا, قۇرىلىس, ەنەرگەتيكا, مادەنيەت پەن كولىك سالاسىنداعى ماماندار قاجەت. وسى ورايدا, استانا قالاسى جاستار ساياساتى ماسەلەلەرى باسقارماسىنىڭ باسشىسى تالعات راحمانبەردى: «باسقا وبلىستاردان كەلەتىن جاستاردىڭ سانى وتە كوپ. ورتاشا ەسەپپەن بارلىق ايماقتان قالاعا كۇنىنە 300-گە جۋىق اۆتوبۋس, 60-قا جۋىق پويىز كەلەدى. ءبىر كۇندە 30 مىڭداي ادام كەلسە, ونىڭ جارتىسىنان كوبىسى جاستار. بىلتىر 21 000 تۇلەك وقۋعا تۇسۋگە كەلدى» دەدى.

سونداي-اق, باسقارما باسشىسى جاستاردى جۇمىسقا ورنالىستىرۋ بويىنشا, جاڭا پيلوتتىق جوبا ىسكە قوسىلاتىنىن ايتتى. ءموبيلدى ورتالىق اۆتوۆوكزال مەن تەمىر جول ۆوكزالىندا ورنالاسادى. كەلۋشىلەرگە بۋكلەتتەر تاراتىلىپ, كونسۋلتاتسيا بەرىلەدى.

ەركەجان ساتىمبەك