ءال-فارابي اتىنداعى وقۋشىلار سارايىندا № 2 ونەر مەكتەبىنىڭ «جاڭا قادام – جاڭا ۇرپاق» اتتى جىلدىق ەسەپ بەرۋ كونتسەرتى ءوتتى.
كونتسەرتتە وتكەن وقۋ جىلىندا ءتۇرلى بايقاۋلار مەن فەستيۆالدارعا قاتىسىپ, جۇلدەلى ورىندارعا يە بولىپ جۇرگەن مەكتەپتىڭ شاكىرتتەرى مەن تۇلەكتەرى ونەر كورسەتتى. بۇل قاتاردا «Qazaqstan داۋىسى. بالالار» جوباسىنىڭ ءفيناليسى ەلىكاي سامەنبەك, «Junior Eurovision» بايقاۋىنىڭ قازاقستان ۇلتتىق ىرىكتەۋىنىڭ جانە «Qazaqstan داۋىسى. بالالار» جوباسىنىڭ ءفيناليسى ايكەرىم تىلەۋبەك, رەسەيدە وتكەن «بالالار جاڭا تولقىنى» حالىقارالىق ءان بايقاۋىنىڭ لاۋرەاتى ايعانىم امانتاي اننەن شاشۋ شاشسا, دومبىراشىلار مەن بيشىلەر ءوز ونەرلەرىن كورسەتتى.
كەشتىڭ قوناقتارى – تانىمال انشىلەر مايرا ءىلياسوۆا, مارجان اراپباەۆا, جانار دۇعالوۆا جانە ەرەكشە ماقامدار يەسى ماقپال جۇماباي بالالارمەن بىرگە ءان شىرقادى.
