قازاقستاندا كەلەر جىل باسىنان مىندەتتى مەديتسينالىق ساقتاندىرۋدى ەنگىزۋ وزىمەن بىرگە كوپ وزگەرىستەر اكەلەدى. مىندەتتى مەديتسينالىق ساقتاندىرۋ جۇيەسى ەلىمىزدىڭ زامانمەن قاتار جۇرۋگە, سونداي-اق ساقتاندىرۋ نارىعىن ودان ءارى دامىتۋدى ىنتالاندىرۋعا كومەكتەسەدى. ويتكەنى الەمدىك تاجىريبەگە ءسۇيەنسەك, كوپتەگەن دامىعان ەلدەردە مىندەتتى مەديتسينالىق ساقتاندىرۋ جۇيەسى وڭتايلى جولعا قويىلعان.
مەملەكەت تەگىن جەدەل مەديتسينالىق جانە سانيتارلىق اۆياتسيالىق, كونسۋلتاتسيالىق-دياگنوستيكالىق, ستاتسيونارلىق جانە مەديتسينالىق ۇيىمنىڭ جولداماسى بويىنشا ستاتسيوناردى الماستىراتىن كومەككە, پروفيلاكتيكالىق ەكپەلەرگە كەپىلدىك بەرەدى.
ال مىندەتتى الەۋمەتتىك مەديتسينالىق ساقتاندىرۋ مىنالاردى قامتيدى. بىرىنشىدەن, امبۋلاتوريالىق-ەمحانالىق كومەك (ۋاكىلەتتى ورگان ايقىندايتىن تىزبە بويىنشا اينالاداعىلار ءۇشىن قاۋىپ توندىرەتىن اۋرۋلار, الەۋمەتتىك ماڭىزى بار اۋرۋلار كەزىندە مەديتسينالىق كومەكتى ەسكەرمەگەندە). ياعني باستاپقى مەديتسينالىق-سانيتارلىق كومەك مامانىنىڭ جانە پروفيلدىك مامانداردىڭ جولداماسى بويىنشا باستاپقى مەديتسينالىق-سانيتارلىق, كونسۋلتاتسيالىق-دياگنوستيكالىق كومەك كورسەتىلەدى. ەكىنشىدەن, دارىگەردىڭ رەتسەپتى بويىنشا امبۋلاتوريالىق ءدارى-دارمەكپەن قامتاماسىز ەتىلەدى. ۇشىنشىدەن, جوعارى تەحنولوگيالىق مەديتسينالىق قىزمەتتەردى قوسا العاندا, ەمدەۋگە جاتقىزۋ جاعدايلارىنىڭ جوسپارلانعان سانىنىڭ شەڭبەرىندە باستاپقى مەديتسينالىق-سانيتارلىق كومەك مامانىنىڭ نەمەسە مەديتسينالىق ۇيىمنىڭ جولداماسى, شۇعىل كورسەتىمدەر بويىنشا – باستاپقى مەديتسينالىق-سانيتارلىق كومەك مامانىنىڭ نەمەسە مەديتسينالىق ۇيىمنىڭ جولدامانىڭ بار-جوعىنا قاراماستان جوسپارلى ستاتسيونارلىق كومەك. تورتىنشىدەن, باستاپقى مەديتسينالىق-سانيتارلىق كومەك مامانىنىڭ نەمەسە مەديتسينالىق ۇيىمنىڭ جولداماسى بويىنشا ستاتسيوناردى الماستىراتىن كومەك (ۋاكىلەتتى ورگان ايقىندايتىن تىزبە بويىنشا اينالاداعىلار ءۇشىن قاۋىپ توندىرەتىن اۋرۋلار, الەۋمەتتىك ماڭىزى بار اۋرۋلار كەزىندە كورسەتىلەتىن مەديتسينالىق كومەكتى قوسپاعاندا).
سەرگەي دەموچكين,
«ورتالىق تەمىرجول
اۋرۋحاناسى» جشس ديرەكتورى
