جاڭا جىل مەرەكەسى قارساڭىندا «قازاقستان» ورتالىق كونتسەرت زالىندا «قازاقكونتسەرت» مەكەمەسى مەن «حابار» اگەنتتىگى بىرلەسىپ «جاڭا جىلدىق كەزدەسۋ-2» اتتى قايىرىمدىلىق كونتسەرتىن وتكىزدى.
مەرەكەلىك شارانىڭ 1500-گە جۋىق قايىرىمدىلىق بيلەتى الەۋمەتتىك جاعىنان از قامتىلعان كوپبالالى وتباسىلار مەن مۇمكىندىگى شەكتەۋلى جاندارعا, ەگدە ادامدار مەن ارداگەرلەرگە تابىس ەتىلدى.
– ءبىز وسى جوبانى ەكى جىل بۇرىن باستاعان ەدىك. بۇل جەردە كوممەرتسيالىق ماقسات جوق, وسى جوبانىڭ اۋقىمىندا شاقىرىلعان قوناقتار كەرەمەت شوۋ-كونتسەرتتى تەگىن تاماشالادى. كەز كەلگەن جىل اياقتالار ساتتە ءاربىر ازامات, ءاربىر مەكەمە جەتىستىكتەرى مەن جىل ناتيجەلەرىن عانا سارالاپ قويماي, قانداي قايىرىمدىلىق جاسادىق, مۇقتاج جاندارعا نەندەي كومەك كورسەتتىك دەگەن سۇراققا جاۋاپ ىزدەسە, وندا ءبىزدىڭ مەملەكەت تە, قوعام دا شىنايى الەۋمەتتىك مەملەكەت بولاتىندىعىنا كامىل سەنىمدىمىن, – دەدى «حابار» اگەنتتىگى» اق باسقارما توراعاسىنىڭ ءبىرىنشى ورىنباسارى رينات كەرتاەۆ.
جاڭا جىلدى بارىنەن بۇرىن بالالار اسىعا كۇتەدى. سوندىقتان كوپبالالى وتباسىلاردان شىققان بالاقاندارعا جاڭا جىلدىق توسىن سىي جاسالىپ, ولارعا تانىمال ونەر تارلاندارى ءتاتتى سىيلىقتار ۇلەستىردى.
سونداي-اق شارا بارىسىندا جينالعان قاۋىم ەسترادا جۇلدىزدارىنىڭ ونەرىن تاماشالاپ, فولكلورلىق جانە كلاسسيكالىق شىعارمالاردى ۇيىپ تىڭدادى. جوعارى دەڭگەيدە دايىندالعان حورەوگرافيالىق كومپوزيتسيالار مەن ساحنالىق كورىنىستەر دە جاڭاشىلدىعىمەن كورەرمەندى ءدان ريزا ەتتى.
