ەلوردادا «جاقسىلىق جاسا!» ۇرانىمەن ءداستۇرلى «مەكتەپكە جول» ءىس-شاراسى باستالدى. اكتسيانىڭ باستى ماقساتى – الەۋمەتتىك قولداۋعا مۇقتاج وتباسىلاردىڭ بالالارىنا جاردەم كورسەتۋ. وسى ورايدا ءبىلىم باسقارماسىنىڭ باستاماسىمەن, اۋدان اكىمدىكتەرىنىڭ قولداۋىمەن دەمەۋشىلىك قاراجات ەسەبىنەن 8500 وقۋشىعا كومەك كورسەتۋ كوزدەلىپ وتىر.
استانادا 1 تامىزدان باستاپ جالپىعا مىندەتتى ءبىلىم بەرۋ باعدارلاماسى بويىنشا «مەكتەپكە جول» ءىس-شاراسى باستالدى. بۇل تۋرالى ءبىلىم باسقارماسىنىڭ باسشىسى قاسىمحان سەنعازىەۆ ونلاين بريفينگ بارىسىندا ءمالىم ەتتى.
«مەكتەپكە جول» اكتسياسى بويىنشا استانا قالاسى اكىمدىگى بىرنەشە ءىس-شارا وتكىزۋدى جوسپارلاپ وتىر. اتاپ ايتقاندا, جالپىعا مىندەتتى ءبىلىم بەرۋ باعدارلاماسى اياسىندا اتاۋلى الەۋمەتتىك كومەك الۋعا قۇقىعى بار وتباسىلاردان شىققان بالالار, اتاۋلى الەۋمەتتىك كومەك المايتىن, جان باسىنا شاققانداعى تابىسى ەڭ تومەنگى كۇنكورىس دەڭگەيىنەن تومەن وتباسىلاردان شىققان بالالار, وتباسىلاردا تۇراتىن جەتىم جانە اتا-اناسىنىڭ قامقورلىعىنسىز قالعان بالالار, توتەنشە جاعدايلاردىڭ سالدارىنان شۇعىل جاردەمدى تالاپ ەتەتىن وتباسىلاردان شىققان بالالار جانە باسقا ساناتتاعى, ياعني, قيىن جاعدايعا تاپ بولعان وتباسىلار, ونىڭ ىشىندە مۇگەدەك بالالارى بار جاعدايى تومەن وتباسىلارعا مەكتەپ كيىمدەرىن, اياق كيىمدەرىن جانە مەكتەپكە قاجەتتى كەڭسە تاۋارلارىن ساتىپ الۋ ءۇشىن اقشالاي كومەك كورسەتىلەدى. اكتسيا اياسىندا باسقارما اۋدان اكىمدىكتەرىمەن بىرلەسىپ, دەمەۋشىلىك قاراجاتى ەسەبىنەن الەۋمەتتىك وسال ساناتتاعى 8 500-دەن استام بالانى قامتۋدى جوسپارلاپ وتىر. ءىس-شارانى وتكىزۋ 1 تامىزدان باستاپ 30 قىركۇيەككە دەيىن جوسپارلانعان. بيىلعى اكتسيا «جاقسىلىق جاسا!» ۇرانىمەن باستالدى.
– وسى جىلى استانا قالاسى بويىنشا 22 700 بالاعا كومەك كورسەتىلەدى. ونىڭ ءبىرىنشى باعىتى بيۋدجەت قاراجاتى ەسەبىنەن 14 200 بالاعا كومەك بەرىلەدى. ول كومەكتى الۋ ءۇشىن اتا-انالار مەكتەپكە بارىپ, ءوتىنىش جازىپ, بانكتە ارنايى شوت اشۋى قاجەت (نەسيەلىك قارىزى جوق جانە بۇعاتتالماعان بانكتىك كارتانىڭ 20 تاڭبالى ءنومىرىن ۇسىنادى). جوعارىدا اتالعان وتباسىدان شىققان بالالارعا بيىل جالپىعا مىندەتتى وقۋ قورىنان كورسەتىلەتىن قاراجاتتىڭ كولەمى 41 مىڭ تەڭگەنى قۇرايدى. ول – بالالاردى مەكتەپكە دايىنداۋعا ارنالعان قاراجات. وسىعان بايلانىستى, اتا-انالاردان بەرىلگەن قاراجاتتى تيەسىلى ماقساتتا بالالار ءۇشىن جۇمسالۋىن سۇرايمىز, – دەيدى باسقارما باسشىسى.
– ماتەريالدىق كومەكتى كوپبالالى وتباسىلار, جەتىم بالالار جانە اتا-اناسىنىڭ قامقورلىعىنسىز قالعان بالالار قاتارىنداعى ءبىلىم الۋشىلار الا الادى. ەگەر وتباسى اتالعان ساناتتارعا جاتاتىن بولسا, وندا بالالاردىڭ اتا-انالارى مەكتەپكە راستايتىن قۇجاتتاردى ۇسىنۋى كەرەك. قانداي قۇجاتتاردى تاپسىرۋ كەرەكتىگى تۋرالى اقپاراتتى مەكتەپتەر ۇسىنادى, – دەيدى باسقارما باسشىسى.
ازاماتتاردىڭ وتىنىشتەرىنە جەدەل ارەكەت ەتۋ ءۇشىن ءبىلىم بەرۋ ۇيىمدارىندا «جەدەل جەلى», «سەنىم» تەلەفوندارى (55-69-60, 55-68-51) جانە قوعامدىق قابىلداۋ بولمەلەرى جۇمىس ىستەيدى.
