بەيبىتشىلىك جانە كەلىسىم سارايىندا «كارلاگ» – «الجير» – قازاقستاننىڭ تاريحي ورىندارى» جانە «كارلاگ: اباقتىداعى شىعارماشىلىق» اتتى كوشپەلى كورمەلەر ءوتىپ جاتىر.
كورمەدەن اباقتىداعى ءومىردى بەينەلەگەن لاگەر تۇتقىندارى سالعان ونداعان كارتينانى, ولاردىڭ كويلەك, ورامال, ءاتىر, باسقا دا وسى سياقتى كوپتەگەن جەكە زاتتارىن كورۋگە بولادى.
سونىڭ ىشىندە ك.ليايەنىڭ كەنەپكە سالىنعان «رەكۆيەم, ترۋبادا ورىندالعان سولو» كارتيناسى سۋرەتشىنىڭ جانە باسقا دا مىڭداعان جازىقسىز جاننىڭ لاگەردە باستان وتكەرگەن قيىنشىلىقتارىن جەتكىزەدى. بۇعان قوسا, م.ابىقاسوۆانىڭ «30-جىلداردىڭ وقۋشىلارى» كارتيناسىن, ت.ب. تۋىندىلاردى تاماشالاۋعا بولادى.
كەلۋشىلەر تۇتقىنداردىڭ جەكە زاتتارى ارقىلى ولاردىڭ تۇرمىسىمەن جانە تىنىس-تىرشىلىگىمەن تانىسا الادى. مۇندا كويلەكتەر دە, باس كيىمدەر دە, فوتوسۋرەتتەرى بار مۇراعات قۇجاتتار دا بار. كورمەدەگى ەكسپوناتتاردىڭ ىشىنەن عازيما المانيازوۆانىڭ توزىعى جەتكەن تەمىر ساندىعىن, ليديا فرەنكەلدىڭ ءيىسى وسى كۇنگە دەيىن ساقتالعان «كوگىلدىر قوبديشا» دەپ اتالاتىن ءاتىرىن, مايا كلياشتورنايا ءتورت ايلىق قىزىن وراپ اكەلگەن جامىلعىنى, انتسيس ماريام لازارەۆا دايىنداعان تىگۋ ۇلگىلەرىنىڭ البومى, لەون نۇرمۇحامەدوۆ اناسى كيرا بەرسەنوۆاعا «الجير» لاگەرىنە جازعان بالالىق حاتتارىن كەزدەستىرۋگە بولادى.
كەزىندە وسى زاتتاردىڭ بارلىعىن قۋعىن-سۇرگىنگە ۇشىراعان ادامداردىڭ تۋعان-تۋىستارى مۋزەيلەرگە تاپسىرعان بولاتىن.
