ەلىمىزدەگى كوپبالالى انالارعا, الەۋمەتتىك جاعىنان از قامتىلعان جانە تولىق ەمەس وتباسىلارعا مەملەكەت تاراپىنان قانداي كومەك كورسەتىلىپ جاتىر؟
ماسەلەن, الەۋمەتتىك جاعىنان از قامتىلعان جانە تولىق ەمەس وتباسىلاردىڭ تۇڭعىش بالالارى تۋعاندا ولارعا 95950 تەڭگە كولەمىندە بىرجولعى جاردەماقى بەرىلسە, وسى جانۇياعا ءتورتىنشى نەمەسە ودان كەيىنگى بالا دۇنيەگە كەلگەندە تولەنەتىن بىرجولعى جاردەماقى كولەمى 159075 تەڭگەنى قۇرايدى. ودان بولەك, 1 جاسقا دەيىنگى بالا كۇتىمى بويىنشا ءبىرىنشى بالاعا – 14544 تەڭگە, ەكىنشى بالاعا – 17196 تەڭگە, ءۇشىنشى بالاعا – 19822 تەڭگە, ال ءتورتىنشى بالاعا 22473 تەڭگە كولەمىندەگى جاردەماقى قاراستىرىلعان.
سونداي-اق وسى ساناتتاعى وتباسىلار ءۇشىن اي سايىن جانۇياداعى ادام باسىنا 15498 تەڭگە الەۋمەتتىك قولداۋ تولەمى بەرىلەدى. ال «تولىق ەمەس وتباسى» ساناتى بويىنشا باسپانا كەزەگىنە تۇرۋ مۇمكىندىگى بار. بۇدان بولەك, اسىراۋشىسىنان ايىرىلعان جاعدايدا ارنايى جاردەماقىمەن قامتىلادى.
سونىمەن قاتار جانۇياسىندا ەڭبەككە جارامسىز ءبىر ادامى بار جۇمىسسىز اناعا بالاسى 8 جاسقا تولعانشا 25541 تەڭگە كولەمىندە جاردەماقى تولەنەدى. وتباسىندا 2 ادام ەڭبەككە جارامسىز بولعان جاعدايدا ولارعا 44251 تەڭگە تولەنەدى. ەگەر ونداي ادام سانى ۇشەۋ بولسا – 54942 تەڭگە, تورتەۋ بولسا – 58209 تەڭگە, بەسەۋ بولسا – 60287 تەڭگە, التاۋ نەمەسە ودان دا كوپ بولعان جاعدايدا 62663 تەڭگە بەرىلەدى.
سول سياقتى «التىن القا» يەسىنە (7 جانە ودان دا كوپ بالا) – 16160 تەڭگە, «كۇمىس القا» يەسىنە (6 بالا) – 16160 تەڭگە جانە 4-5 بالاسى بار اناعا – 10504 تەڭگە (01.01.2018 جىلعا دەيىن راسىمدەلگەن جاعدايدا) كولەمىندە الەۋمەتتىك قولداۋ كورسەتىلەدى.
سونداي-اق كوپبالالى انالارعا بالا دۇنيەگە كەلگەندە بەرىلەتىن بىرجولعى جورگەكپۇلدان بولەك, ءار بالاعا اي سايىن جاردەماقى تولەنەدى. ونىمەن قوسا, «كوپبالالى وتباسى» ساناتى بويىنشا باسپانا كەزەگىنە تۇرۋعا جانە تۇرعىن ءۇيدى مەنشىكتەۋ ءۇشىن اي سايىن ورتاشا ەسەپپەن 4 مىڭ تەڭگەگە دەيىن تولەم الا الادى. سول سياقتى 8 ناۋرىز (حالىقارالىق ايەلدەر كۇنى) مەرەكەسىنە وراي 2,5 اەك, ياعني 6313 تەڭگە كولەمىندە بىرجولعى اقشالاي تولەم قاراستىرىلعان. سونىمەن قاتار كوپبالالى وتباسىدان شىققان بالالارعا 92991 تەڭگە كولەمىندە وقۋ اقىسىن تولەۋگە قارجىلاي قولداۋ بار.
ايتا كەتۋ كەرەك, مەملەكەت باسشىسىنىڭ تاپسىرماسى بويىنشا ۇكىمەت پەن قالالىق اكىمدىك جانىنان ازاماتتاردىڭ ءومىر ءسۇرۋ ساپاسىن ارتتىرۋمەن, سونداي-اق كوپبالالى وتباسىلاردى قولداۋ شارالارىن پىسىقتاۋمەن اينالىساتىن ارنايى جۇمىس توبى قۇرىلدى.
انالاردىڭ تۇرمىستىق ماسەلەلەرىنىڭ ۋاقىتىندا شەشىلۋى ءۇشىن قۇزىرلى ورگاندار بارلىق ءتيىستى شارالاردى قولدانىپ, ءار ماسەلە بويىنشا جول كارتاسى ازىرلەنىپ, ءىس-شارالار جوسپارى بەكىتىلمەك.
