ەلوردادا وقۋ جىلى قارساڭىندا مەكتەپ تاۋارلارى مەن وقۋ قۇرالدارىنىڭ جارمەڭكەسىن وتكىزۋ داستۇرگە اينالىپ كەلەدى. بيىل دا «مەكتەپكە جول» اكتسياسى اياسىندا تۇرعىندارعا ىڭعايلى بولۋ ءۇشىن اتالعان ءىس-شارا تامىزدىڭ 16-سى مەن 23-ءى, ياعني, دەمالىس كۇندەرى ادەتتەگىدەي اكىمدىك الدىنداعى قالالىق الاڭدا وتكىزىلگەلى وتىر.
جارمەڭكەدەن استانا تۇرعىندارى مەن قوناقتارى قاجەتتى تاۋارلارىن قولجەتىمدى باعاعا ساتىپ الا الادى. كەلۋشىلەردىڭ نازارىنا قالامنان باستاپ كالكۋلياتور مەن ءتۇرلى قالىپتاعى داپتەرگە دەيىنگى الۋان ءتۇرلى وقۋ-قۇرالدارى شىعارىلادى. سونىمەن قاتار, استانا جانە قازاقستاننىڭ وزگە دە ايماقتارىنىڭ كاسىپكەرلەرى مەكتەپ جاسىنداعى جانە مەكتەپكە دەيىنگى جاستاعى بالالارعا ارنالعان كيىمدەر, اياق كيىم, پورتفەل مەن سومكەلەردى ۇسىنادى. مەكتەپ جارمەڭكەسى وتەتىن كۇندەرى كەلۋشىلەرگە كونتسەرتتىك باعدارلاما ۇيىمداستىرىلىپ, قوعامدىق تاماقتانۋ نۇكتەلەرى اشىلادى.
