استانادا قالانىڭ ديزاين-كودىنا سايكەس كەلمەيتىن 870 جارنامالىق ەلەمەنت وزگەرتىلدى. جالپى ەلوردادا 2019 جىلى بەكىتىلگەن ەلوردانىڭ ديزاين-كودىنا سايكەس سىرتقى جارناما مەن ماڭدايشالاردى رەتكە كەلتىرۋ بويىنشا بەلسەندى جۇمىس ءجۇرىپ جاتىر.
مۇنداي زاڭ بۇزۋشىلىقتاردى جويۋ ءۇشىن شاعىن جانە ورتا بيزنەس يەلەرىنە سىرتقى جارنامانى سايكەستەندىرۋ تۋرالى حابارلامالار تاراتىلادى. ەلوردانىڭ ۋربانيستيكا ورتالىعى مۇنداي سىرتقى جارناما قالانىڭ كوركىن بۇزىپ, كەلبەتىنە نۇقسان كەلتىرەدى. مىسالى, «كوركەم» تۇرعىن ءۇي كەشەنىندە كوپتەگەن كاسىپكەر وزدەرىنە قاراستى عيماراتتاردىڭ قاسبەتىن رەتكە كەلتىرۋدى ءجون سانايدى. ولار ديزاين كودقا سايكەس كەلمەيتىن جارنامالار قالانىڭ جالپى كورىنىسى مەن ءۇيدىڭ كورىنىسىن بۇزادى دەپ سانايدى. استانا قالاسىنىڭ ۋربانيستيكا ورتالىعى ماڭدايشالار بويىنشا 130 ەسكيزدىك ۇسىنىس ازىرلەدى, سىرتقى جارناما بويىنشا 40-تان استام ساۋال پىسىقتالدى. ماقسات – سىرتقى جارنامالاردى رەتكە كەلتىرۋ, ءبىرتۇتاس جانە تارتىمدى ورتانى قۇرۋ, سونىمەن قاتار ۆيزۋالدى شۋدى جويۋ. بۇل جۇمىس قالانىڭ بارلىق اۋدانىندا جۇرگىزىلەدى.
