جاس كاسىپكەرگە – جەڭىلدەتىلگەن نەسيە

مەملەكەت باسشىسى قاسىم-جومارت ­توقاەۆ ءوز جولداۋىندا شاعىن جانە ورتا بيزنەستى نەسيەلەندىرۋگە قاتىستى بىرقاتار تاپسىرما بەرگەن بولاتىن. بۇل جۇمىس­تىڭ استانادا قالاي جۇزەگە اسىرىلىپ جاتقانى تۋرالى قالالىق كوممۋنيكاتسيا­لار الاڭىندا وتكەن ءباسپاسوز ءماسليحاتى بارىسىندا جۇمىسپەن قامتۋ جانە الەۋمەتتىك قورعاۋ باسقارماسى باسشىسىنىڭ ورىنباسارى ەرلان ءجۇسىپوۆ پەن «اگرارلىق نەسيە كورپوراتسياسى» اق ەلورداداعى فيليالى ديرەكتورىنىڭ نەسيەلەۋ جونىندەگى ورىنباسارى ولجاس بايماحانوۆ ءتۇسىندىرىپ بەردى.

سوڭعى كەزدە ەلوردادا جاس كاسىپكەرلەردى قولداۋعا بارىنشا جاعداي جاسالۋدا. ونىڭ ىشىندە جىلدىق 2,5 پايىزبەن جەڭىلدەتىلگەن شاعىن نەسيەلەۋ تەتىگىنىڭ ارقاسىندا جاستارعا ستارتاپ اشۋ مۇمكىندىگى قولجەتىمدى.

ەلوردا جاستارى كاسىپكەرلىكتى دامىتۋدىڭ 2021-2025 جىلدارعا ارنالعان ۇلتتىق جوباسى اياسىندا جەڭىلدەتىلگەن نەسيە الا الادى. ول 21 مەن 35 جاس ارالىعىنداعى جاس كاسىپكەرلەرگە بەرىلەدى.

– شاعىن نەسيەلەر اگرونەسيە­لىك كورپوراتسيا ارقىلى جۇزەگە اسىرىلادى. بۇل شاعىن نەسيە 21 مەن 35 جاس ارالىعىنداعى جاس كاسىپكەرلەردى قولداۋعا باعىتتالعان. شاعىن نەسيە 21 مەن 35 جاس ارالىعىنداعى كاسىپكەرلىكپەن اينالىسقىسى كەلەتىندەرگە كونكۋرس نەگىزىندە بەرىلەدى. جەڭىلدەتىلگەن نەسيەنىڭ شارتتارى: نومينالدى سىياقى مولشەرلەمەسى – جىلدىق 2,5 پايىز; نەسيەنىڭ ماكسيمالدى سوماسى – 5 ملن تەڭگە (كەپىلدىكپەن). مەرزىمى – 5 جىل. مال شارۋاشىلىعىنا – 7 جىل, – دەدى ەرلان ءجۇسىپوۆ.

ءوتىنىش بەرگەن كەزدە جەكە كاسىپكەر رەتىندە تىركەلۋ مەرزىمى 5 جىلدان اسپاۋى كەرەك. سونىمەن قاتار, ميكروكرەديت بەرۋ مەرزىمىنىڭ ۇشتەن ءبىر بولىگى ءۇشىن نەگىزگى بورىشتى وتەۋ جانە سىياقى تولەۋ بويىنشا جەڭىلدىك كەزەڭى قاراستىرىلعان. مىندەتتى شارت – كەپىلزاتتىڭ بولۋى. كەپىل رەتىندە جىلجىمالى دا, جىلجىمايتىن مۇلىك تە قابىلدانادى. ولار بولماعان جاعدايدا, كەپىل بەرۋشىنى تارتۋ كوزدەلەدى. كەپىل بەرۋشى جاستاردىڭ اتا-اناسى, تۋىستارى جانە باسقا دا سەنىمدى ادامدار بولۋى مۇمكىن.

جاستارعا شاعىن نەسيە بەرۋ تۋرالى شەشىمدى بيزنەس جوبالاردى ىرىكتەۋ جونىندەگى كونكۋرس كوميسسياسى قابىلدايدى. ونىڭ قۇرامىنا جەرگىلىكتى اتقارۋشى ورگانداردىڭ, «اتامەكەن» كاسىپكەرلەر پالاتاسىنىڭ, قوعامدىق بىرلەستىكتەردىڭ, ءتۇرلى بيزنەس سالاسىنىڭ, سونداي-اق وقۋ ورىندارى مەن بۇقارالىق اقپارات قۇرالدارىنىڭ وكىلدەرى كىرەدى.

وتىنىمدەردى قابىلداۋ وسى جىلدىڭ 6 ناۋرىزىندا اگرارلىق-نەسيەلىك كورپوراتسياسىنىڭ استانا قالاسى بويىنشا فيليالىندا مىنا مەكەنجاي بويىنشا قابىلدانادى: تۇران داڭعىلى, 19/1, «ەدەم» بيزنەس ورتالىعى. انىقتاما ءۇشىن تەلەفون: 8-701-006-16-38.

ءباسپاسوز ءماسليحاتى بارىسىندا «اگرارلىق نەسيە كورپوراتسياسى» اق ەلورداداعى فيليالى ديرەكتورىنىڭ نەسيەلەۋ جونىندەگى ورىنباسارى ميكروكرەديت الۋ ءۇشىن ءوتىنىش بەرۋشى بىرنەشە قۇجات تاپسىرۋى كەرەك ەكەنىن اتاپ ءوتتى.

– ءوتىنىش بەرۋشى الدىمەن جەكە باسىن راستايتىن كۋالىگى مەن بيزنەس جوسپارىن تاپسىرۋى قاجەت. سودان سوڭ ونىڭ جەكە شوتى بار ەكەنىن راستايتىن بانك انىقتاماسى بولۋى كەرەك. ەگەر ءوتىنىش بەرۋشى ازاماتتىڭ اتىندا نەسيەلەر بولعان جاعدايدا, نەسيە بەرەشەگىنىڭ, ونىڭ ىشىندە مەرزىمى وتكەن بەرەشەگىنىڭ بار نەمەسە جوق ەكەنى تۋرالى انىقتاما تالاپ ەتىلەدى. ءوتىنىش بەرۋشى جۇمىس ىستەيتىن ازامات بولسا, وندا جالاقىسى مەن باسقا دا تابىسىن راستايتىن قۇجاتتى كورسەتۋى كەرەك. سونداي-اق, كەپىلگە بەرىلگەن مۇلىكتى باعالاۋ تۋرالى ەسەپ جانە باسقا دا قۇجاتتار بولۋى قاجەت, – دەدى ولجاس بايماحانوۆ.

استانا قالاسى جۇمىسپەن قامتۋ جانە الەۋمەتتىك قورعاۋ باسقارماسى باسشىسى ورىن­باسارىنىڭ ايتۋىنشا, بيىل بۇل ماقساتتا 562 ميكروكرەديت قىزمەتىن الۋشىعا رەسپۋبليكا بيۋدجەتىنەن 2,8 ملرد تەڭگە قاراستىرىلعان. سونداي-اق, كەپىلگە قويىلعان مۇلىكتىڭ استانا قالاسىنىڭ اۋماعىندا بولۋى مىندەتتى ەمەس جانە ونى قازاقستان رەسپۋبليكاسىنىڭ بۇكىل اۋماعىندا تىركەۋگە بولادى.

2023 جىلدىڭ 1 قاڭتارىنان باستاپ مەملەكەت باسشىسىنىڭ تاپسىرماسىن ورىنداۋ ماقساتىندا كاسىپكەرلىكتى دامىتۋدىڭ 2021-2025 جىلدارعا ارنالعان ۇلتتىق جوباسى اياسىندا جاس قازاقستاندىقتارعا جەڭىلدەتىلگەن شاعىن نەسيە بەرۋدىڭ جاڭا تەتىگى ەنگىزىلگەن بولاتىن.

قارجى رەسۋرستارى ءوز كاسىبىن اشقىسى كەلەتىن نەمەسە كاسىپكەرلىكپەن اينالىساتىن, ونىڭ ىشىندە تاۋار ءوندىرۋ نەمەسە ساتۋ, جۇمىستاردى ورىنداۋ جانە قىزمەتتەر كورسەتۋ, ءوندىرىستى جۇزەگە اسىرۋعا نيەت بىلدىرگەن 21 جاستان 35 جاسقا دەيىنگى ازاماتتارعا كونكۋرس نەگىزىندە ۇسىنىلادى.