ەل تاۋەلسىزدىگىنىڭ 30 جىلدىق مەرەيتويىنىڭ قارساڭىندا جانە «جاس مامان» جوباسى اياسىندا نۇر-سۇلتان قالاسى جوعارى كولىك جانە كوممۋنيكاتسيا كوللەدجىنىڭ بازاسىندا جاڭا «Energy» HCTC تەحنيكالىق جانە كاسىپتىك ءبىلىمدى جاڭعىرتۋ قۇزىرەتتىلىك ورتالىعىنىڭ سالتاناتتى تۇردە اشىلۋ ءراسىمى ءوتتى.
قازىرگى تاڭدا ەلدىڭ باسەكەگە قابىلەتتىلىگى ساپالى ءبىلىم جۇيەسىمەن, سونىمەن قاتار, ازاماتتاردىڭ ءبىلىم-بىلىك دەڭگەيىمەن انىقتالادى. سوندىقتان ءبىلىم بەرۋ سالاسى زامان تالابىنا سايكەس دامۋى ءتيىس. بۇگىندە ەلىمىزدەگى تەحنيكالىق جانە كاسىپتىك ءبىلىم بەدەلىن كوتەرۋ – باستى نازاردا.
ايتۋلى ءىس-شارانىڭ العاشقى ءسوزىن العان نۇر-سۇلتان قالاسى اكىمىنىڭ ورىنباسارى اسحات ورالوۆ كوللەدج ۇجىمى مەن ستۋدەنتتەرىن قۇتتىقتاپ, جاڭادان اشىلعان قۇزىرەتتىلىك ورتالىق ستۋدەنتتەردىڭ باسەكەگە قابىلەتتى, مىقتى مامان بولىپ شىعۋى ءۇشىن اسا پايدالى ورتالىق ەكەنىن ايتتى. اشىلۋ سالتاناتىنا ارنايى كەلگەن پارلامەنت ءماجىلىسىنىڭ دەپۋتاتى ەلنۇر بەيسەنباەۆ «جاس مامان» جوباسى تۇڭعىش پرەزيدەنت نۇرسۇلتان نازارباەۆتىڭ «جاستار – ەل تىرەگى» ۇلتتىق جوباسىنىڭ قۇرامىنا كىرەتىنىن, سونداي-اق بۇل جوبانىڭ رەسپۋبليكا كولەمىندە اتقارىلىپ جاتقانىن سوزگە تيەك ەتتى.
قۇرمەتتى قوناقتاردىڭ جىلى لەبىزىنەن كەيىن قۇزىرەتتىلىك ورتالىقتىڭ اشىلۋ ءراسىمى ءوتىپ, لەنتاسى قيىلدى. ورتالىققا كىرگەن قوناقتار مەن الەۋمەتتىك سەرىكتەستەر ءار كابينەتتە ورناتىلعان زاماناۋي قۇرال-جابدىقتارمەن تانىستى. ورتالىق ءتورت كەشەننەن تۇرادى, ولار:
- ەلەكترونيكا جانە ەلەكتر ماشينالارى زەرتحاناسى;
- ەلەكتر ستانسالارى مەن جەلىلەرى ەلەكتر جابدىقتارىنىڭ ينتەراكتيۆتى باعدارلامالىق-اپپاراتتىق كەشەنى;
- كومپيۋتەرلىك ترەناجەرلىك كەشەندەر جانە اۆتوماتتاندىرىلعان وقۋ كۋرستارى;
- ەلەكترمونتاجداۋ زەرتحاناسى.
اشىلۋ سالتاناتىنا قاتىسقان قوناقتار ورتالىققا جوعارى باعا بەرىپ, ءبىلىم الۋعا مول مۇمكىندىك بار ەكەنىن جەتكىزىپ, كوللەدج باسشىسىنا ءوز ريزاشىلىقتارىن ءبىلدىرىپ, جۇمىستارىنا ساتتىلىك تىلەدى.
