ۇلتتىق مۋزەيدە تاۋەلسىزدىكتىڭ 30 جىلدىعىنا وراي ەلىمىزدىڭ بەينەلەۋ ونەرى مۇراسىمەن تانىستىرۋعا باعىتتالعان «ونەرگە قول جەتكىزۋ» اتتى مۋزەيلىك جوبا جۇزەگە اسۋدا.
جوبانىڭ ماقساتى – حالىقتى بەينەلەۋ ونەرى سالاسىمەن تانىستىرىپ, ونەر تۋىندىلارىنىڭ كوشىرمەلەرى ارقىلى حالىق شىعارماشىلىعىنا قىزىعۋشىلىق ارتتىرۋ. شارا مادەنيەت, بەينەلەۋ ونەرىنىڭ داستۇرلەرىن, ۇلتتىق بىرەگەيلىكتى ساقتاۋعا جانە ونى دامىتۋعا, ايگىلى قازاقستاندىق سۋرەتشىلەر تۋىندىلارىنىڭ كوشىرمەلەرى ارقىلى حالىق شىعارماشىلىعىن دامىتۋعا باعىتتالعان.
ۇلتتىق مۋزەي «Astana ART» بەينەلەۋ ونەر ستۋدياسىندا شەبەرلىكتەرىن ۇشتاپ جۇرگەن جاس سۋرەتشىلەرگە ارنايى ورىن ءبولىپ, تۇپنۇسقاداعى تانىمال سۋرەتتەردى قايتالاپ بەينەلەۋگە مۇمكىندىك بەرۋدە. جوبا رۋحاني مۇرانى ساقتاۋعا, مادەني قۇندىلىقتاردى دارىپتەپ, شىعارماشىلىق قارىم-قاتىناس ورناتۋعا ءوز ۇلەسىن قوسادى. سونىمەن قاتار شىعارماشىلىققا جاعداي جاساپ, قوعامدا رۋحاني-ادامگەرشىلىك قاسيەتتەردى قالىپتاستىرۋ جانە مادەني داستۇرلەرگە قىزىعۋشىلىقتى وياتۋ, ونى دامىتۋ كوزدەلگەن.
