نازارباەۆ زياتكەرلىك مەكتەبىندە «ايبىن» اسكەري-سپورتتىق شاراسى ءوتتى.
بۇل سپورتتىق ويىن مەكتەپ وقۋشىلارىنىڭ دەنساۋلىعىن نىعايتۋ, پاتريوتتىق تاربيە بەرۋ ماقساتىندا جىل سايىن ۇيىمداستىرىلادى. بولاشاق وتان قورعاۋشىلار توزىمدىلىككە, ءبىر-بىرىنە كومەك كورسەتۋگە ءدال وسى شارادا ۇيرەنەدى.
جارىس الدىندا مەكتەپ ديرەكتورى مەيرام جاكەنوۆ قاتىسۋشىلارعا «العاشقى اسكەري دايىندىق» كۋرسىنان العان بىلىمدەرىن تاجىريبەدە قولدانۋعا كەڭەس بەردى.
وقۋشىلار 6 كوماندا بويىنشا «ۇزدىك مەرگەن», «اۆتوماتتى ءبولشەكتەپ جيناقتاۋشى», «گير كوتەرگىش» جانە «ۇزدىك كاپيتان» اتاعى ءۇشىن كۇش سىناستى. داستۇرگە اينالعان اسكەري-پاتريوتتىق شاراعا بيىل وقۋشىلار اسا قىزىعۋشىلىقپەن, ەرەكشە ىنتامەن قاتىستى.
جاس ۇلاندار دالدەپ اتۋ, العاشقى ءدارىگەرلىك كومەك كورسەتۋ, ارقان تارتۋ بويىنشا ءوز مۇمكىندىكتەرىن كورسەتتى. ءتۇرلى بايقاۋ بارىسىندا ەڭ كۇشتى دە تاتۋ, يكەمدى دە شاپشاڭ كوماندا انىقتالدى.
گۇلدانا تالعاتقىزى
