ەلوردادا العاش رەت حالىقارالىق وليمپيادا كۇنىنە وراي 2005 جىلى تۋعان جانە ودان كىشى جاسوسپىرىمدەر اراسىندا سۋ دوبىنان قازاقستان كۋبوگى ءوتتى.
جارىسقا ەلىمىزدىڭ ەڭ مىقتى كوماندالارى قاتىستى. قاتىسۋشىلار اراسىندا قازاقستان چەمپيونى تاراز قالاسىنىڭ قۇراماسى, نۇر-سۇلتان (Astana-1 جانە Astana-2) كومانداسى جانە ق.مۇڭايتپاسوۆ اتىنداعى وليمپيادا رەزەرۆىنىڭ رەسپۋبليكالىق مامانداندىرىلعان مەكتەپ-
ينتەرناتىنىڭ كومانداسى بار.
جارىس ەرەجەسى بويىنشا ءار ويىن 4 كەزەڭگە ءبولىندى, ولاردىڭ ارقايسىسى 8 مينۋتقا سوزىلدى. بارلىعى 10 ويىن وتكىزىلدى, ناتيجەسىندە چەمپيون كوماندا مەن جۇلدەگەرلەر انىقتالدى. ىرىكتەۋ جارىستارىنان كەيىن ەكى كۇننەن سوڭ جارتىلاي فينالعا Astana-2 كومانداسى مەن ق.مۇڭايتپاسوۆ اتىنداعى مەكتەپ-ينتەرنات قۇراماسى شىقتى. ءۇشىنشى ورىن ءۇشىن كۇرەس تارتىستى بولدى, سوڭعى سەكۋندتا ينتەرنات كومانداسى گول سوعىپ, العا شىقتى, ناتيجەسىندە قولا جۇلدەنى جەڭىپ الدى. فينالدا تاراز جانە نۇر-سۇلتان قالالارىنىڭ قۇرامالارى كۇش سىناستى, ولار الدىن الا تۋردا كەزدەسكەن (10:10) بولاتىن. بۇل ماتچ تا جەڭىمپازدى انىقتاعان جوق – 4:4, كەزدەسۋ تاعدىرى پەنالتي سەرياسىندا شەشىلدى, وندا تاراز قۇراماسى جەڭىسكە جەتتى. ناتيجەسىندە نۇر-سۇلتان كومانداسى كۇمىس جۇلدەگەر اتاندى.
كۋبوك قورىتىندىسى بويىنشا گرەكيادا (16 جاسقا دەيىن) جانە سەربيادا (18 جاسقا دەيىن) وتەتىن الەم چەمپيوناتىنا قاتىسۋ ءۇشىن قازاقستان جاستار قۇراما كومانداسى جاساقتالادى. جارىسقا قاتىسقان سپورتشىلاردىڭ ءبارى ەستەلىك سىيلىقتارمەن, مەدالدارمەن جانە كۋبوكتارمەن ماراپاتتالدى.
بايان اسىلبەكوۆا
