بىرەۋىمىز ءتىلدىڭ ءجايىن ايتىپ, بىرەۋىمىز حيدجاپ ماسەلەسىن, «جۇلدىزدىڭ» اجىراسقان, اجىراسپاعانىن جاعىمىز جىرتىلعانشا تالقىلاپ جاتقاندا جاستارىمىز كۇندەلىكتى ومىرىندە الەۋمەتتىك جەلىنى جايلاعان, ىشىنە جىن كىرگەن سايتان-ساپالاقتاردىڭ انىنە تەربەلىپ, تامسانۋدا…
ارينە, تالعامعا تالاس جوق. زايىرلى قوعامدا كىم نە تىڭداسا دا وزدەرى بىلەدى. ەشكىمگە شەكتەۋ قويىلمايدى. بىراق, اعىلشىن يا باسقا شەت تىلىندە بولعاسىن كوبى بىلە بەرمەيتىن بولار, ءۇش تىلگە جەتىك قىزدارىمنىڭ اۋدارماسىمەن بىرنەشە كليپ, ۆيدەولاردى يۋتۋبتان, تيك-توكتان قاراپ, اقىرىنا دەيىن قاراۋعا شىدامىم جەتپەي, جاعامدى ۇستادىم.
«The Weekend» دەگەن ءانشىنىڭ «Popular» اتالاتىن ءانىنىڭ («Playboi Cartib Madonna – Popular») ماعىناسى بىلاي:
«مەن كۇن باتقاندا, بارلىق جەردە, ءاربىر جاننىڭ جۇزىنەن شايتاندى كوردىم, مەن وعان نە كەرەك ەكەنىن, نە قالايتىنىن بىلەمىن, وعان كەرەگى – داڭق پەن داقپىرت, ونىڭ تامىرىنا وسى قالاۋىن ەنگىزىڭىز دە, ونىڭ جانىن الۋعا تىرىسىڭىز, ءار ءتۇن سايىن كوككە جالبارىنىپ, ول كورگىسى كەلەتىن بارلىق نارسە جىپىلىقتايتىن شامدار ارقىلى كورىنەدى, ول تانىمال بولۋ ءۇشىن تىزەرلەپ دۇعا ەتەدى, ول تانىمال بولۋ ءۇشىن كەز كەلگەن ادامدى ولتىرەدى, ول تانىمال بولۋ ءۇشىن جانىن ساتادى…»… وسىلاي كەتە بەرەدى…
قازىرگى جاھاندانۋ زامانىندا ەلىمىزدە جاستاردىڭ ءوز ورنىن تاۋىپ, جەكە الەۋمەتتىك توپ بولىپ, دۇرىس باعىتتا دامۋى قيىنعا سوعۋدا. ولارعا ناعىز ءومىر تۋرالى ناقتى كەڭەستەر بەرىپ, ۋاقىتىندا ءوز ومىرلىك تاجىريبەمىزبەن ءبولىسىپ, قاتەلىكتەرىنە تۇسىنىستىكپەن قاراۋىمىز قاجەت. سوندىقتان, وتباسى جاعدايى, مەكتەپ قابىرعاسى جاستاردىڭ قالىپتاسۋىنىڭ نەگىزى بولىپ تابىلعاندىقتان جاستارمەن تەڭ دارەجەدە پوزيتسيا ۇستانىپ, تاربيەگە كوبىرەك كوڭىل بولگەن دۇرىس
تاعى «Doja Cat» دەگەن وتە تانىمال توپ بار عالامتوردا. جاستار ولار سالعان اۋەندى ىزدەپ ءجۇرىپ تاۋىپ تىڭدايدى. «Paint the town red» (پوكراستە گورود ۆ كراسنىي تسۆەت) انىنە تۇسىرىلگەن بەينەكليپتە كەيىپكەرلەر شايتاندار كەيپىندە. بەتىن قانمەن بوياعان, ءىبىلىس تۇرىندەگى ءانشى جاستاردى جاقسىلىققا ەمەس, قىلمىسقا, جاماندىققا شاقىرىپ تۇر.
سىلتەمەسى وسىندا: https://www.songtell.com/ru/doja-cat/paint-the-town-red.
يدەولوگيالىق ەكسپانسيا دەگەن – وسى. دەرەۋ شۇعىل شارالار قولدانىپ, قىرعىزستان سەكىلدى ەلدە تيك-توكتاعى ۆيدەولاردى شەكتەپ, عالامتورداعى ناسيحاتتى سۇزگىدەن وتكىزبەسە, شايتاننىڭ اۋەنىنە ەلتىگەن, تەرىس قىلىقتى جاستارىمىز كوبەيگەن ۇستىنە كوبەيە بەرمەك.
قاۋىپ ەتۋ از, ناقتى قادامدار قاجەت. جاستاردىڭ الەۋمەتتىك پروبلەمالارى جالپى قوعامداعى الەۋمەتتىك-ەكونوميكالىق پروبلەمالاردىڭ كورىنىسى مەن جالعاسى رەتىندە قابىلدانادى. جاستاردىڭ الەۋمەتتىك پروبلەمالارى – بۇل قوعامنىڭ ءومىر تىرشىلىگى جانە دە جاستار ءۇشىن دە ومىرلىك ماڭىزدى, حالىقتىڭ ەرەكشە الەۋمەتتىك-دەموگرافيالىق توپتىڭ پروبلەمالارى, جاس ۇرپاقتاردىڭ جانە ولاردىڭ ۇيىمدارىنىڭ عانا ەمەس, سونىمەن قاتار قوعام مەن مەمەلەكەت تاراپىنان ناقتى ساياساتتى تالاپ ەتەتىن شەشىمدەر ەكەنى تۇسىنىكتى.
ارينە, ەلدە جاستارعا قاتىستى ساياسات بار, تۇراقتى جۇرگىزىلەدى, بىراق ولاردىڭ قوعامداعى ورنى, مادەنيەتى انىقتالماي, ءتۇرلى راديكال كوزقاراستارعا ەلىكتەپ كەتپەۋىن قاداعالاماسا, قازىرگى جاستار ۇيىمدارىنىڭ سانى بار دا, ساپاسى جوق, سوندىقتان وسىنداي سۋبمادەنيەتتەردى قاداعالايتىن ورگانداردىڭ, اشىلۋى ءبىزدىڭ ەلگە قاجەت بولعاندىقتان, جاستاردىڭ بولاشاق ومىرىنە كەدەرگى كەلتىرەتىن, قوعامعا زيانى تيەتىن سۋبمادەنيەتتەردى قاداعالاۋ ماسەلەسى وتە ماڭىزدى.
قازىرگى جاھاندانۋ زامانىندا ەلىمىزدە جاستاردىڭ ءوز ورنىن تاۋىپ, جەكە الەۋمەتتىك توپ بولىپ, دۇرىس باعىتتا دامۋى قيىنعا سوعۋدا. ولارعا ناعىز ءومىر تۋرالى ناقتى كەڭەستەر بەرىپ, ۋاقىتىندا ءوز ومىرلىك تاجىريبەمىزبەن ءبولىسىپ, قاتەلىكتەرىنە تۇسىنىستىكپەن قاراۋىمىز قاجەت. سوندىقتان, وتباسى جاعدايى, مەكتەپ قابىرعاسى جاستاردىڭ قالىپتاسۋىنىڭ نەگىزى بولىپ تابىلعاندىقتان جاستارمەن تەڭ دارەجەدە پوزيتسيا ۇستانىپ, تاربيەگە كوبىرەك كوڭىل بولگەن دۇرىس.
جاستاردى ءتول تاريحتى قادىرلەۋگە, وتانسۇيگىشتىككە تاربيەلەۋدىڭ ەڭ ۇتىمدى, نانىمدى جولدارىن شۇعىل قاراستىرۋىمىز قاجەت. بۇگىندە مەكتەپ, ۋنيۆەرسيتەت جانە وتباسى جاي «باقىلاۋشى» پوزيتسياسىن ۇستانباۋلارى كەرەك, كەرىسىنشە, جەكە ادامنىڭ بۇكىل قوعام مۇددەسىن يگەرۋ ءۇشىن جارىس مۇمكىنشىلىگىنە تەڭ دارەجەدە ۇمتىلۋ پوزيتسياسىن قامتاماسىز ەتۋ كەرەك. ونى ءدال قازىر جاساماساق, قۇر ايقاي مەن شۋ شىعارۋدىڭ ءبارى دالباسا. قازاقتىڭ رەترو اندەرىن «گاۋhارتاستا» ساحنادا شىرقالعان تاماشا اندەر سەكىلدى جاستارعا ۇعىنىقتى, سۇيكىمدى قابىلداۋىن تاباتىن جولداردى ىزدەستىرۋىمىز كەرەك. قالايدا, جاستار ساناسىن ۋلاعان قازىرگى ءتۇرلى شەتەلدىك اۋەندەردىڭ ەلىمىزدە سايران سالىپ, ويىنا كەلگەنىن جاساۋىنا توسقاۋىل قويۋىمىز قاجەت. ءسوزدىڭ توقەتەرى – وسى. بۇگىن جاساماساق, ەرتەڭ ىبىلىسكە ەرگەندەردى ۇلتتىق دىلىمىزگە قاراي قايىرۋ ءتىپتى مۇمكىن ەمەس.
