«قازاقستان ستۋدەنتتەرى اليانسى» رەسپۋبليكالىق ستۋدەنتتەر قوزعالىسى استانا قالاسى جاستار ساياساتى ماسەلەلەرى باسقارماسى مەن قالالىق ىشكى ىستەر دەپارتامەنتى قولداۋىمەن جاستار اراسىندا قۇقىقتىق مادەنيەتتى كوتەرۋ جانە قۇقىق بۇزۋشىلىقتىڭ الدىن الۋ ماقساتىندا ەلوردانىڭ جوو ستۋدەنتتەرى قاتارىنان قۇقىقتىق ءتارتىپتى ساقتاۋ جاساقتارىن قۇرعان بولاتىن.
جاساقتاردىڭ مىندەتى – قۇقىق قورعاۋ ورگاندارىمەن قوعامدا اكىمشىلىك ءتارتىپتى ساقتاۋعا باعىتتالعان رەيد وتكىزۋگە ىقپالداسۋ جانە حالىق اراسىندا قۇقىق بۇزۋشىلىقتىڭ الدىن الۋ بويىنشا ماتەريالداردى تاراتۋ.
قازىرگى ۋاقىتتا قۇقىقتىق ءتارتىپتى ساقتاۋ جاساقتارى قۇرامىندا ل.گۋميلەۆ اتىنداعى ەۇۋ, س.سەيفۋللين اتىنداعى قازاتۋ, استانا مەديتسينا ۋنيۆەرسيتەتى, قازاتك, پوليتەحنيكالىق جانە باسقارۋ كوللەدجىنىڭ ستۋدەنتتەرى جۇمىس اتقارۋدا جانە ولار ءۇشىن وقىتۋ سەمينار-ترەنينگتەرى ۇيىمداستىرىلىپ, ارنايى كيىمدەر, تاراتۋ ماتەريالدارى بەرىلدى.
ايتا كەتۋ كەرەك, قالالىق اكىمدىكتىڭ ۇسىنىسىمەن جاساق جەرگىلىكتى پوليتسيا قىزمەتكەرلەرىمەن «ەكسپو-2017» حالىقارالىق مامانداندىرىلعان كورمەسى باستالۋىنا دەيىن 10 ناۋرىز جانە 10 ماۋسىم ارالىعىندا قالامىزداعى اكىمشىلىك ءتارتىپتى ساقتاۋعا باعىتتالعان رەيد وتكىزۋگە ىقپالداسىپ, حالىق اراسىندا قۇقىق بۇزۋشىلىقتىڭ الدىن الۋ بويىنشا ءتۇسىندىرۋ جۇمىستارىن اتقاردى.
ناتيجەسىندە استانا قالاسىنىڭ اۋداندىق ىشكى ىستەر باسقارماسىنا 3000 ادام جەتكىزىلىپ, 1006 اكىمشىلىك حاتتاما تولتىرىلدى. ونىڭ ىشىندە ەرەسەك ازاماتتار دا, كامەلەتتىك جاسقا تولماعان جاسوسپىرىمدەر دە بار.
جوسپارعا سايكەس, استانا قالاسىنىڭ جوو مەن كوللەدج ستۋدەنتتەرى اراسىندا 20 كەزدەسۋ, سالاۋاتتى ءومىر سالتىن ساقتاۋ ماقساتىندا 3 سپورتتىق ءىس-شارا وتكىزىلۋدە. جاسوسپىرىمدەرگە كوماندالىق رۋحتى كوتەرۋ ءۇشىن ءتۇرلى ەكسكۋرسيالار, سەنبىلىكتەر, تيمبيلدينگتەر ارنايى ۇيىمداستىرىلىپ تۇرادى. وسى ۋاقىت ارالىعىندا ستۋدەنتتىك توپ ەلباسىنىڭ قاتىسۋىمەن وتكەن كوپتەگەن شارالارعا قاتىستى.
ءىلياس تۇستىكباەۆ,
«قازاقستان ستۋدەنتتەرى اليانسى» رسق پرەزيدەنتى
