كەزەكتى رەت ۇيىمداستىرىلعان بوس جۇمىس ورنى جارمەڭكەسىندە جاستاردىڭ جاستار پراكتيكاسى ارقىلى جۇمىسقا ورنالاسۋ مۇمكىندىگى ايتىلدى.
استانادا حالىقتى جۇمىسپەن قامتۋ ورتالىعى مەن قر مەملەكەتتىك قىزمەت ىستەرى اگەنتتىگىنىڭ استانا قالاسى بويىنشا دەپارتامەنتىنىڭ ۇيىمداستىرۋىمەن وتكەن ءىس-شارا ەلوردالىق جاستار كوپتەپ قاتىستى.
پرەزيدەنت ق.توقاەۆ: «ەل يگىلىگى ءۇشىن ەڭبەك ەتكىسى كەلەتىن ءبىلىمدى, دارىندى ازاماتتار ءار ايماقتا بار. ولارعا جول اشۋ – مەملەكەتتىڭ مىندەتى» دەگەن بولاتىن. اتالعان جارمەڭكە مەملەكەت باسشىسىنىڭ وسى تاپسىرماسىنا وراي مەملەكەتتىك اپپاراتقا بويىندا كوشباسشىلىق قاسيەتى بار تالاپتى جاستاردى تارتۋدى كوزدەيدى.
جارمەڭكە بارىسىندا دەپارتامەنت قىزمەتكەرلەرى جاستاردىڭ باعدارلاما ارقىلى جۇمىسقا ورنالاسۋ مۇمكىندىگى تۋرالى كەڭىنەن تۇسىنىك بەردى. سونداي-اق جاستارعا مەملەكەتتىك قىزمەتكە ورنالاسۋ ەرەجەلەرى تانىستىرىلىپ, مەملەكەتتىك قىزمەت سالاسىنداعى نورماتيۆتىك قۇقىقتىق اكتىلەرگە ەنگىزىلگەن وزگەرىستەر مەن تولىقتىرۋلار تۋرالى جانە مەملەكەتتىك قىزمەتكە ىرىكتەۋدىڭ جاڭا جۇيەسىنىڭ پيلوتتىق رەجيمدە ىسكە قوسىلعانى جونىندە اقپارات بەردى.
