68665 اسكەري ءبولىمىنىڭ اۋماعىندا وڭىرلىك اسكەري-پاتريوتتىق جاستار جيىنىنىڭ اشىلۋ سالتاناتى ءوتتى, دەپ حابارلايدى astana-akshamy.kz
ءىس-شارا جاستار ساياساتى, ءبىلىم بەرۋ, جۇمىلدىرۋ دايىندىعى جانە قالانىڭ اۋماقتىق قورعانىسى ماسەلەلەرى باسقارمالارىنىڭ, «جاس سارباز» بالالار-جاسوسپىرىمدەر اسكەري-پاتريوتتىق قوزعالىسى» رقب استانا قالالىق فيليالىنىڭ, «جاس سارباز – پاتريوتتار ورداسى» جوباسى شەڭبەرىندە ەلوردانىڭ قورعانىس ىستەرى جونىندەگى دەپارتامەنتىنىڭ قولداۋىمەن ۇيىمداستىرىلدى.
كوكتەمگى جيىندار ءبىرىنشى قورعانىس ءمينيسترى, ارميا گەنەرالى ساعادات نۇرماعامبەتوۆتىڭ 100 جىلدىعىنا ارنالعان.
سالتاناتتى اشىلۋعا قر قورعانىس مينيسترلىگىنىڭ وكىلدەرى, ءماسليحات دەپۋتاتتارى, استانا قالاسىنىڭ جۇمىلدىرۋ دايىندىعى جانە اۋماقتىق قورعانىس باسقارماسىنىڭ باسشىسى رۋسلان بەشەەۆ, جاستار ساياساتى ماسەلەلەرى باسقارماسىنىڭ باسشىسى سامات يبراەۆ, «جاس سارباز» بالالار-جاسوسپىرىمدەر اسكەري-پاتريوتتىق قوزعالىسى» رقب توراعاسى مەيىربەك مەڭدىعاليەۆ قاتىستى.
«جيىندار 22 مامىردان 24 مامىرعا دەيىن وتەدى. اسكەري-قولدانبالى سپورت تۇرلەرى بويىنشا جارىس ناتيجەلەرى بويىنشا ۇزدىك جاساربازدىقتار ايقىندالاتىن بولادى. ۇزدىكتەردىڭ ۇزدىكتەرى الماتى وبلىسىنىڭ اسكەري پوليگونىندا وتەتىن «ايبىن-2024» حالىقارالىق اسكەري-پاتريوتتىق جاستار جيىنىنا جولداما الادى. وندا ەلىمىزدىڭ بارلىق وڭىرىنەن دەلەگاتتار قاتىسادى. بۇگىنگى جاساربازدىقتار – ەرتەڭگى وتان قورعاۋشىلار», – دەدى استانا قالاسى قورعانىس ىستەرى دەپارتامەنتىنىڭ باستىعى, پولكوۆنيك ايدىن ايتباەۆ.
قارۋلى كۇشتەردىڭ ارداگەرى, زاپاستاعى پولكوۆنيك عاني ارتىقوۆ جىل سايىنعى اسكەري-پاتريوتتىق جاستار جيىنىنىڭ نەگىزگى ماقساتتارى اسكەري قىزمەتتى ناسيحاتتاۋ, قازاقستان رەسپۋبليكاسى قارۋلى كۇشتەرىنىڭ ءيميدجىن ارتتىرۋ, ءتۇرلى ەلدەردىڭ جاس ارميا بىرلەستىكتەرى اراسىنداعى ىنتىماقتاستىقتى نىعايتۋ بولىپ سانالاتىنىن اتاپ ءوتتى.
«وتكىزىلەتىن جيىندار «جاس سارباز» اسكەري-پاتريوتتىق كلۋبتارىنىڭ باسشىلارى بولىپ سانالاتىن العاشقى اسكەري دايىندىق وقىتۋشىلارىنىڭ جىلدىق جۇمىسىن قورىتىندىلادى. جيىن بارىسىندا جاساربازدىقتار اسكەري تەحنيكامەن جانە قارۋ-جاراقپەن, مەرزىمدى قىزمەت ساربازدارىنىڭ كۇن تارتىبىمەن تانىسىپ, جارىستارعا قاتىسادى. بۇل اسكەري-تاكتيكالىق دالالىق ويىن, اك-74 اۆتوماتىن تولىق جيناماۋ جانە بولشەكتەۋ, بارعا تارتىلۋ, جالپى اسكەري قورعانىس كوستيۋمىن كيۋ, ارقان تارتۋ, زياتكەرلىك جارىستار جانە قاشىقتىققا جۇگىرۋ», – دەدى عاني ارتىقوۆ.
بالالار جارىستارعا قاتىسۋ ۇناعانىن ايتادى, بولاشاقتا قازاقستاندى حالىقارالىق دەڭگەيدە لايىقتى تانىستىرۋ ءۇشىن مۇمكىندىگىنشە اسكەري-پاتريوتتىق دايارلىققا كوپ ۋاقىت ءبولۋدى جوسپارلاپ وتىر.
