نۇر-سۇلتان قالالىق ءماسليحاتىنىڭ دەپۋتاتتىعىنا ۇمىتكەرلەر, Nur Otan پارتياسىنىڭ مۇشەلەرى سالامات احمەتوۆ پەن قانات الين «قازاقستان» سپورت كەشەنىنىڭ قىزمەتكەرلەرىمەن ونلاين كەزدەسۋ وتكىزدى.
«قاڭتار ايىنىڭ 10-ى كۇنى وتەتىن سايلاۋعا پارتيامىز بەلسەندى تۇردە قاتىسۋدا. باستى ماقساتىمىز – حالىقتىڭ الەۋمەتتىك جاعدايىن جاقسارتۋ. ەلوردا تۇرعىندارى ءۇشىن باعدارلامامىزدا نەگىزگى 10 باعىتقا باسىمدىق بەردىك. ولاردىڭ ىشىندە باقىتتى وتباسى, قولجەتىمدى باسپانا, شەت ايماقتاردى اباتتاندىرۋ, جولدار, گاز تارتۋ, قالا ەكولوگياسى, قوعامدىق قاۋىپسىزدىك پەن شاعىن جانە ورتا بيزنەستى دامىتۋ سىندى جوبالار قاراستىرىلعان. وسى ماسەلەلەرگە ارنايى باعدارلاما قابىلداندى. سونداي-اق بيۋدجەت قاراجاتىن ءتيىمدى پايدالانۋدى قاتاڭ باقىلاۋدا ۇستايمىز» دەدى قالالىق ءماسليحات دەپۋتاتتىعىنا ۇمىتكەر سالامات احمەتوۆ.
كەزدەسۋ بارىسىندا مەكەمە قىزمەتكەرلەرى «جاستارىمىزدى تۇرعىن ۇيمەن قامتۋعا بايلانىستى قانداي ىستەر اتقارىلۋدا؟» دەگەن سۇراق قويدى.
سالامات احمەتوۆتىڭ ايتۋىنشا 2019 جىلى نۇر-سۇلتان قالاسىندا جۇمىسشى جاستارعا 1 050 پاتەردىڭ كىلتى تابىستالعان. بيىل ەلىمىزدەگى ورىن العان پاندەمياعا بايلانىستى جاستارعا 350 پاتەر بەرىلەدى. بۇل جوبانىڭ نەگىزگى ماقساتى – جۇمىس ىستەپ جاتقان جاستارعا شابىت بەرۋ, ەكىنشىدەن, جاستار 5 جىلدىڭ ىشىندە پاتەردى جالعا الىپ تۇرعان كەزدە تاپقان قاراجاتتارىن جيناپ, جەكە ۇيلەرىن ساتىپ الۋعا جاعداي جاساۋ. ال كەلەسى جىلدىڭ كوكتەمىنەن باستاپ «ەلوردا جاستارى» اتتى جاڭا باعدارلاما ىسكە قوسىلماقشى.
«ءبىزدىڭ ەلىمىزدە سپورتقا كوپ كوڭىل بولىنۋدە. بۇل – ەل ەرتەڭىنە بالالارىمىزدىڭ بولاشاعىنا قوسقان ۇلكەن ۇلەسىمىز. پرەزيدەنت تە ءوز جولداۋىندا بۇقارالىق سپورتتى دامىتۋ تۋرالى ارنايى تاپسىرما بەردى. ەلىمىزدە كوپبالالى جانە الەۋمەتتىك جاعدايى تومەن وتباسىلاردان شىققان بالالارعا تەگىن سپورتتىق ۇيىرمەلەرگە قاتىسۋعا جاعداي جاسالعان. بۇل ورايدا پارتيانىڭ اتقارىپ كەلە جاتقان جۇمىستارىن كورىپ ءجۇرمىز. 2018 جىلى «مەكتەپ ليگاسى» جوباسى اياسىندا اۋىلدىق جەرلەردەگى سپورتتى دامىتۋعا ەرەكشە كوڭىل ءبولىنىپ, بىرنەشە مەكتەپتە ءۇيىرمەلەر اشتىق. سونىڭ ىشىندە بالالار ءۇيى دە بار. سوندىقتان سايلاۋدا پارتيانى قولداۋىمىز كەرەك» دەدى قالالىق ءماسليحات دەپۋتاتتىعىنا ۇمىتكەر قانات الين.
نۇر-سۇلتان قالاسىنداعى Nur Otan پارتياسى سايلاۋ قورىنىڭ قاراجاتىنان تولەندى.