ەلورداداعى تۇڭعىش پرەزيدەنت ساياباعىندا اعاشتار وتىرعىزىلدى. بۇل شاراعا ەرىكتىلەر, قوعام قايراتكەرلەرى, مادەنيەت جانە سپورت مايتالماندارى, قالا تۇرعىندارى قاتىستى.
«اۋا رايى قۇبىلمالى ەلوردادا جاسىل بەلدەۋ مەن ەكولوگيالىق ايماقتار ەكولوگيانى جاقسارتىپ قانا قويماي, كليماتتىق جاعدايدى جۇمسارتۋعا مۇمكىندىك بەرەدى. كوكتەمدە جانە كۇزدە قالانىڭ بارلىق اۋداندارىندا اعاش وتىرعىزۋمەن اينالىسامىز. ساياباقتارعا, قوعامدىق كەڭىستىكتەرگە جانە اۋلاىشىلىك اۋماقتارعا ەرەكشە نازار اۋدارامىز. بۇگىن حالىق اراسىندا پيراميدا دەپ اتالاتىن بەيبىتشىلىك جانە كەلىسىم سارايىنىڭ بويىنداعى تۇڭعىش پرەزيدەنت ساياباعىندا اعاشتار وتىرعىزىلدى. شاراعا ەرىكتىلەر, قوعام قايراتكەرلەرى, مادەنيەت جانە سپورت قايراتكەرلەرى, قالا تۇرعىندارى قاتىستى. ۇستازدار كۇنى مەرەكەسىنە وراي مۇعالىمدەرىمىزگە ارناپ ارنايى اللەيا وتىرعىزدىق.
تەك وسى دەمالىس كۇندەرى مىڭعا جۋىق اعاش وتىرعىزامىز. بيىل وتىرعىزىلعان اعاشتاردىڭ جالپى سانى 30 مىڭنان, جاسىل جەلەكتەر 80 مىڭنان اسادى. وسىلايشا, قالادا بىرتىندەپ جاسىل ارالدار, ەكولوگيالىق ايماقتار سانىن كوبەيتۋدەمىز. وسىمدىكتەردى ساقتاۋ ماقساتىندا اعاشتاردى كەسۋ كەزىندە وتەمدىك وتىرعىزۋدى ەكى ەسە كوبەيتتىك. ەگەر بۇرىن «بەسكە ءبىر» بولسا, قازىر «ونعا ءبىر». قازىر بەيبىتشىلىك جانە كەلىسىم سارايىنا جوندەۋ جۇمىستارىن جۇرگىزىپ جاتىرمىز. بۇگىنگى تاڭدا عيمارات بويىمەن وتىرعىزىلعان اعاشتار قازىردىڭ وزىندە بۇل جەرگە جايلىلىق بەرىپ تۇر. بىرنەشە جىلدان كەيىن وسى ايماقتا قۇرىلعان ەكولوگيالىق ايماقتار بىرنەشە ەسە كوپ بولادى.
مەملەكەت باسشىسى حالىققا جولداۋىندا ەلدى اۋقىمدى كوگالداندىرۋدىڭ ماڭىزدىلىعىن اتاپ ءوتتى. بۇل باعىتتا جۇيەلى جۇمىس جۇرگىزۋدەمىز» دەپ جازدى نۇر-سۇلتان قالاسىنىڭ اكىمى التاي كولگىنوۆ Instagram-داعى پاراقشاسىندا.
